Бу ҳақда Xinhua агентлиги Хитой Савдо вазирлигига таяниб хабар берди.
“Миллий хавфсизлик ва манфаатларни ҳимоя қилиш, шунингдек, тарқатмаслик каби халқаро мажбуриятларни бажариш учун ушбу чора кўрилди”, дейилади баёнотда.
Компаниялар қаторига Aveox, Inc., Ball Aerospace & Technologies Corp., L3Harris Maritime Services, Inc. ва бошқалар киради.
Бундан ташқари, Хитой санкциялар рўйхатига киритилган 46 та АҚШ компанияси томонидан ишлаб чиқарилган маҳсулотларни сотиб олишни тақиқлаганини эълон қилди.
Молия вазирлиги янги чораларга кўра, давлат харидларида иштирок этувчи ташкилотларга Lockheed Martin Corporation ва Raytheon Missiles & Defense каби рўйхатдаги Америка компанияларидан маҳсулот сотиб олиш тақиқланганини эълон қилди.
Вазирлик шунингдек, ушбу чора Хитойда фаолият юритаётган Америка инвестициялари бўлган компанияларга тааллуқли эмаслигини маълум қилди, деб хабар берди report.az.
