Тибқи маълумот, ин оила 5 декабри соли 2025 бо мақсади иҷрои
корҳои мавсимӣ ба Дубай рафта буд. Бо вуҷуди ин, бинобар пайдо накардани кори
доимӣ, онҳо барои аввали моҳи январ чиптаҳои бозгашт ба Ӯзбекистонро хариданд,
вале аз сабаби дер расидан ба фурудгоҳ натавонистанд парвоз кунанд.
Баъдан онҳо бо корҳои муваққатӣ рӯзгорашонро пеш
мебурданд, аммо пас аз бад шудани вазъ дар Ховари Миёна имкони пайдо кардани
корро қариб пурра аз даст дода, маҷбур шуданд дар масҷидҳои гуногун иқомат
намоянд. Ҳамчунин, баъди анҷоми муҳлати будубоши бидуни раводид нисбат ба онҳо ҷаримаҳои
маъмурӣ таъин гардид.
Дар ҷараёни музокирот бо Хадамоти муҳоҷирати Дубай муайян
шуд, ки ҳар як узви оила бояд 9 ҳазор дирҳам (тақрибан 2500 доллари ИМА) ҷарима
пардохт кунад, ки дар маҷмӯъ 27 ҳазор дирҳам (тақрибан 7500 доллари ИМА)-ро
ташкил медод.
Дар натиҷаи гуфтушунид бо мақомоти салоҳиятдори Амороти
Муттаҳидаи Араб мувофиқа ҳосил гардид, ки ин шаҳрвандон метавонанд бидуни
пардохти ҷарима кишварро тарк намоянд.
Илова бар ин, бо мусоидати Бунёди занон ва кӯдакони Дубай барои
онҳо чиптаҳои ҳавопаймо дар хатсайри «Дубай
– Тошканд» барои 26 июн харидорӣ гардид ва оила сиҳату саломат
ба Ӯзбекистон баргардонида шуд.
