Maʼlum qilinishicha, 1992 yilda Qashqadaryo viloyatida tug‘ilgan shaxs Yangi hayot tumanidagi xonadonni ijaraga olib, moddiy manfaatdorlik evaziga 2014–2021 yillarda tug‘ilgan 9 nafar voyaga etmagan bolaga diniy saboq berib kelgan. Tekshiruv jarayonida 49 ta diniy mazmundagi kitob, 24 ta daftar va noutbuk ashyoviy dalil sifatida olingan.

Dastlabki maʼlumotlarga ko‘ra, bolalarga majburiy tarzda saboq berilgan, ayrim hollarda ularga tan jarohatlari etkazilgan. Shuningdek, bolalardan 6 nafari 2 oydan 8 oygacha maktab darslariga bormagan, uyda saqlangan va hatto ko‘chaga chiqishiga ruxsat berilmagani aniqlangan.

Mazkur holat yuzasidan gumonlanuvchiga nisbatan Jinoyat kodeksi 229²-moddasi 2-qismi bilan jinoyat ishi qo‘zg‘atildi. Bolalarning ota-onalariga nisbatan esa Maʼmuriy javobgarlik to‘g‘risidagi kodeks 47-moddasi asosida maʼmuriy bayonnomalar rasmiylashtirildi.

Shuningdek, Yangi hayot tumanida aniqlangan yana bir holatda mazkur talabaning o‘qituvchisi ham ijara xonadonda bolalarga noqonuniy diniy taʼlim berayotgani maʼlum bo‘ldi. 1987 yilda tug‘ilgan ushbu shaxs va uning turmush o‘rtog‘i tomonidan 2009–2018 yillarda tug‘ilgan 5 nafar bolaga saboq berilgan bo‘lib, ular orasında Tojikiston fuqarosining farzandi ham bor.

Hozirda mazkur holat bo‘yicha tegishli ekspertizalar tayinlangan va tergovga qadar tekshiruv ishlari olib borilmoqda.