Өзбекстан Республикасы Президентиниң "Республикада денсаўлықты сақлаў системасын ҳәм халыққа медициналық хызмет көрсетиў принциплерин жетилистириў арқалы тараўды реформалаўды избе-из даўам еттириў илажлары ҳаққында"ғы пәрманына бола, тәжирийбе-сынақ жойбары шеңберинде бирлемши медициналық-санитариялық жәрдем системасында төмендегилер жолға қойылады, соның ишинде:
шаңарақлық поликлиникалар, шаңарақлық шыпакер пунктлери, соның ишинде, оларға филиал сыпатында бириктирилген мәкемелер және мәҳәлле медициналық пунктлери бириктирилген халықтың санынан келип шығып, юридикалық статусқа ийе шаңарақлық поликлиникаларға және олардың филиалларына айландырылады;
шаңарақлық поликлиникаларда халыққа медициналық жәрдем көрсетиўши шаңарақлық шыпакер, педиатр, акушер-гинеколог ҳәм диагностика хызметлерин көрсетиўши қәнигелер, сондай-ақ, аутсорсинг тийкарында стоматология хызмети жолға қойылады;
халыққа шаңарақлық шыпакерди еркин таңлаў ҳуқықы бериледи.
Сондай-ақ, медицина бригадасына 3 мың, зәрүр жағдайларда, белгиленген нормаларға қосымша халық бириктирилиўи мүмкин. Онда 2030-жылға шекем 1 медициналық бригадаға көби менен 1,7 мың халықты бириктириў стратегиялық мақсет етип белгиленеди.
Шаңарақлық поликлиникаларда медицина хызметкерлери тек ғана толық ставкада жумыс ислейди.
