Өзбекстан Республикасының мәмлекетлик гимни мәмлекетлик байрақ ҳәм герб пенен бир қатарда елимиздиң тийкарғы белгилеринен бири болып есапланады.
Өзбекстан Республикасының мәмлекетлик гимни мәмлекетимиз ғәрезсизлигиниң көриниси болып табылады. Гимниң сөзлери пуқараларымыздың кеўлинде пидайылық, умтылыс, миллий мақтаныш ҳәм ҳақыйқый ўатансүйиўшилик сезимлерин оятады.
Гимн текстиниң авторы уллы өзбек шайыры, Өзбекстан Қаҳарманы Абдулла Орипов болып табылады. Музыкасын Өзбекстан халық артисти, белгили композитор Мутал Бурханов жазған.
Өзбекстан Республикасы гимни жасларды Ўатанға муҳаббат, бай тарийхымызға ҳүрмет руўхында тәрбиялаўда, жас әўладты ҳәр тәреплеме жетик инсан етип тәрбиялаўда айрықша әҳмийетке ийе.
