Ҳүжжетке дүньяның барлық регионларынан 80 нен аслам мәмлекет биргеликте авторлық еткен.
Резолюция Өзбекстан Республикасы Президентиниң жер силкиниў қурбанларына ҳүрмет көрсетиў ҳәм бул бағдарда халықаралық бирге ислесиў зәрүрлигин еслетиў мақсетинде еслеў ҳәм тилеклеслик күнин шөлкемлестириў ҳаққындағы басламасына тийкарланған.
2023-жыл 16-март күни болып өткен Түркий мәмлекетлер шөлкеминиң гезексиз саммитинде Мәмлекетимиз басшысы тәрепинен айрықша жағдайлар бойынша қәнигелескен халықаралық структуралар менен әмелий бирге ислесиўди күшейтиў зәрүрлигине айрықша итибар қаратылған еди.
Халықаралық жер силкиниў қурбанларын еслеў күни биринши мәрте 2026-жыл 29-апрель күни белгиленеди. Бул сәне 1966-жылы Ташкент қаласында жүз берген ўайран етиўши жер силкиниўдиң 60 жыллығы мүнәсибети менен белгиленди.
Бул ҳүжжет соңғы жыллары Өзбекстанның басламасы менен қабыл етилген 13 резолюция болды. Бул резолюцияның қабыл етилиўи Өзбекстанның халықаралық майдандағы абырайы артып атырғанын, сондай-ақ, глобал көлемде өзбек дипломатиясы барған сайын раўажланып атырғанын және бир мәрте тастыйықлайды.
