Бул ҳаққында ТАСС агентлиги мәлим етти.
Мәлим етилиўинше, бул жағдайлар менен байланыслы 20 дан аслам суд материаллары үйренип шығылған. Ҳүжжетлерден бирине бола, Тәжикстан пуқарасы Дилшод А. YouTube платформасында Россияда қадаған етилген радикал ислам ағымы ўәкиллериниң ўазыйпалары жайластырылған каналларға жазылғаны ҳәм Россияға қарсы үгит-нәсият мазмунындағы видеоларды көргени ушын шегара қадағалаўынан өткерилмеген.
Және бир суд ҳүжжетине бола, Өзбекстан пуқарасы Акмалжон Б. болса радикал диний блогерлер ҳәм террористлик шөлкемлердиң жумысы сәўлеленген видеоларды көргени себепли Россия қәўипсизлигине қәўип сыпатында баҳаланып, оның кириўине рухсат берилмеген.
Сондай-ақ, бир неше пуқараларда Украинаға тән каналларға жазылыўлар, сондай-ақ, Россия ҳуқық қорғаў уйымларының жумысын сынға алатуғын жазыспалар анықланған. Анықланыўынша, айырымлары Россияға кириўден алдын мессенджерлердеги жазыспаларын өшириўге урынған.
Мағлыўмат ушын, 2024-жыл 22-март күни Москва жанындағы "Крокус Сити Холл" концерт залында жүз берген терроршылық ҳүжиминен соң шегарадағы тексериўлер күшейтилген. Соңғы 1,5 жыл даўамында Россияға кириўди бийкарлаў ҳаққындағы қарарларды суд арқалы бийкарлаўға 20 дан аслам Тәжикстан ҳәм Өзбекстан пуқарасы ҳәрекет еткен. Олар Россияда жумыс ислеў ямаса жақын туўысқанларын көриў нийетинде екенин билдирген, бирақ барлық жағдайда суд қарарлары нызамлы ҳәм тийкарлы деп табылған.
