Онда Сенат делегациясы ағзалары, соның ишинде, Суд-ҳуқық мәселелери ҳәм коррупцияға қарсы гүресиў комитетиниң баслығы А.Ешмуратов ҳәм Халықаралық қатнасықлар, сыртқы экономикалық байланыслар, сырт ел инвестициялары ҳәм туризм мәселелери комитети баслығының орынбасары О.Маматкаримов қатнасты.
Форумда өткен дәўир даўамында ерисилген нәтийжелер ҳәр тәреплеме көрип шығылды. Атап айтқанда, COVID-19 пандемиясы күтилмеген кризисти келтирип шығарып, ТРМға ерисиўге зыян жеткерди ҳәм пүткил дүньяда кәмбағаллық, теңсизлик ҳәм әззиликти күшейтти, бирақ көрилген илажлар нәтийжесинде бүгинги күнге келип пүткил дүньяда кәмбағаллық дәрежеси 9,3 проценттен 8,5 процентке шекем азайды.
Өзбекстанда кәмбағаллық дәрежеси 2024-жылдың ақырына бола 11 проценттен 8,9 процентке азайған, 2030-жылға шекем болса 2 есеге азайтыў мақсет етилгенин атап өтиў керек.
Сондай-ақ, ҳаял-қызлардың басқарыўдағы ролиниң артқаны атап өтилди. Соның ишинде, пүткил дүньяда парламент ағзаларының 27 процентин ҳәм министрлердиң 23 процентин ҳаял-қызлар қурайды.
Илаж даўамында 2030-жылдан кейинги күн тәртиби ушын глобаллық бирге ислесиўди беккемлеў, соның ишинде, 2045-жылға барып турақлы, инклюзив ҳәм беккем глобаллық жәмийетти қәлиплестириў, денсаўлықты сақлаў қамтып алыўы ҳәм ондағы теңсизликти азайтыў бойынша инновациялық шешимлер, сондай-ақ, инклюзив экономикалық өсиў ҳәм жумыс орынларын жаратыў және ҳәмме ушын таза ишимлик суўы ҳәм санитариялық шараятларды тәмийинлеў мәселелери додаланды.
Форум шеңберинде Олий Мажлис Сенатының ағзалары А.Ешмуратов ҳәм О.Маматкаримов Бруней мәмлекетиниң денсаўлықты сақлаў министри Жафар Муҳаммад, БАӘниң "Масдар" компаниясының бас атқарыўшы директоры Муҳаммад Жамил Ал Рамоҳи менен сәўбетлести, деп хабар бермекте Олий Мажлис Сенатының баспасөз хызмети.
Онда Мәмлекетимиз басшысының басшылығында елимизде ТРМ бойынша алып барылып атырған жумыслар, онда парламенттиң тутқан орны, соның ишинде, Өзбекстанның ТРМ тараўында ерискен жетискенликлери ҳәм шеклери тән алынды.
Делегация ағзаларының Турақлы раўажланыў мақсетлери бойынша Глобаллық кеңестиң III конференциясындағы қатнасыўы даўам етпекте.
