Мәдений илаж мәмлекетимиз елшиханасының жәрдеминде, Өзбекстан Мәденият министрлиги жанындағы Кинематография агентлиги ҳәм Венгрия Миллий кино институты тәрепинен шөлкемлестирилмекте.
Әнжуман шеңберинде өзбек киносының ықласбентлериниң меҳрине ерискен "Илҳақ", "Фариданың еки мың қосығы" ҳәм жақында премьералары болып өткен "Үй" ҳәм "Пандемия" көркем фильмлери көрсетиледи.
Илажда Өзбекстан Мәденият министрлиги жанындағы Кинематография агентлиги директоры Шуҳрат Ризаев басшылығындағы елимиз кино дөретиўшилериниң делегациясы қатнасады.
Будапештли тамашагөйлер итибарына усынылыўы күтилип атырған өзбек фильмлери Кинематография агентлиги буйыртпасы тийкарында сүўретке алынған. Бул фильмлер усы күнге шекем Түркия, Қытай, Беларусь, Россия ҳәм басқа да мәмлекетлердиң кинотеатрларында көрсетилген. Буннан тысқары, халықаралық кинофестивалларда қатнасқан.
