"Халықаралық заманагөй көркем өнер биенналесин жоқары дәрежеде өткериў илажлары ҳаққында"ғы Президент қарары (ПҚ-260-санлы, 21.08.2025-ж.) қабыл етилди.

2025-жылдан ҳәр 2 жылда бир мәрте сентябрь-ноябрь айларында Бухара қаласында халықаралық заманагөй көркем өнер бийенналеси өткерип барылады.

Биринши Биеннале 2025-жыл 5-сентябрь - 20-ноябрь күнлери жоқары дәрежеде өткериледи.

Халықаралық заманагөй көркем өнер биенналесине таярлық көриў ҳәм оны өткериў бойынша шөлкемлестириў комитети дүзиледи.

Биеннале өткерилетуғын 14 мәдений мийрас объекти көргизбе ҳәм илажлар, билимлендириў ҳәм изертлеў, дөретиўшилик ҳәм өндирис процесслери үйлескен креатив кластерге айландырылады.

Дүньяға белгили дөретиўшилер, қәниге ҳәм аспазлардың қатнасыўында кең жәмийетшилик ушын 10 ҳәптелик илимий-ағартыўшылық, мәдений-кеўилашар, туристлик ҳәм гастрономиялық бағдарламалар шөлкемлестириледи.

30 дан аслам халықаралық эксперт, куратор ҳәм көркем өнертаныўшылардың қатнасыўында халықаралық академиялық симпозиум өткериледи.