Венгрияның Будапешт қаласында өткен дзюдо бойынша жәҳән чемпионаты шеңберинде Халықаралық дзюдо федерациясы (IJF) Атлетлер комиссиясы ушын сайлаў өткерилди.
Онда дүньяның түрли континентлеринен 20 талабан қатнасты.
Сайлаў нәтийжесине бола, Диёра Келдиёрова 2025-2029-жыллар даўамында комиссия ағзасы етип сайланды.
Диёра Келдиёрова Париж-2024 Олимпиадасында мәмлекетимиз тарийхында дзюдо бойынша дәслепки алтын медалды қолға киргизген болса, енди ол IJFның әҳмийетли уйымларынан бири - Атлетлер комиссиясында да Өзбекстан атынан жумыс алып барады.
Қазақстанның Астана қаласында парадзюдо бойынша үш күн даўам еткен Азия чемпионаты жуўмақланды. Жарыстың жуўмақлаўшы күнинде командалық беллесиўлер өткерилип, ерлер ҳәм ҳаял-қызлар арасында Өзбекстан сайланды командасы гүмис медалға ийе болды.
Халықаралық дзюдо федерациясы (IJF) күн тәртибине киргизилген Aktau Asian Judo Open 2025 халықаралық турнири батыс Қазақстанда болып өтти. Өзбекстан сайланды командасы 16 медаль менен 10 мәмлекет арасынан жеңимпаз болды!
Перуда дзюдо бойынша жаслар арасында жәҳән чемпионатының жеке беллесиўлери жуўмақланды. Аўыр салмақ категориясында өткерилген жарыста Өзбекстан сайланды командасы 1 гүмис ҳәм 2 бронза медалын қолға киргизди.
Қытайдың Циндао қаласында өткерилип атырған абырайлы Гран-при турниринде өзбекстанлы дзюдошы Шаҳрам Аҳадов 73 килограммға шекемги салмақ категориясында гүмис медалға ийе болды.
Индонезияда дзюдо бойынша жас өспиримлер арасында континент бириншилиги жуўмақланды. Кеше болып өткен беллесиўлерде Өзбекстан сайланды командасы 3 алтын, 1 гүмис ҳәм 6 бронза медалын қолға киргизди.
Индонезияның Жакарта қаласында дзюдо бойынша жас өспиримлер арасында Азия чемпионаты басланды. Дәслепки жарыс күнинде-ақ Өзбекстан сайланды командасы спортшылары жоқары нәтийжелерди көрсетип, 8 медаль - 4 алтын, 2 гүмис ҳәм 2 бронза медальын қолға киргизди.
Қырғызстанның Шолпан ата қаласында Түркий мәмлекетлер III универсиадасы басланды. Дзюдо бойынша Өзбекстан сайланды командасы дәслепки жарыс күнинде 7 медаль - 3 алтын, 1 гүмис ҳәм 3 бронза медалын қолға киргизди.
