Қырғызстан Бажыхана хызмети баслығының мәлим етиўинше, енди шегараны кесип өтиў ушын айдаўшылар өзине қолайлы ўақытты таңлап, мобил телефон арқалы электрон гезекке турыўы мүмкин.
Бундай система дәслеп Қызыл-Қиядағы қадағалаў-өткериў пунктинде сынақ тәризинде енгизилген болып, жойбар жақсы нәтийжелерди көрсеткен, қадағалаў-өткериў пунктиниң өткериў қәбилети бир неше есеге артқан.
Қырғызстан Бажыхана хызмети баслығының қосымша етиўинше, кейин ала бул жойбар барлық қадағалаў-өткериў пунктлеринде кеңейтиледи. Ҳәзирги ўақытта қырғыз-қазақ шегарасында электрон нәўбетти енгизиў мәселеси ислеп шығылмақта.
Мағлыўмат ушын, "Дослық" қадағалаў-өткериў пункти ең тығызлардан бири есапланып, ол Ош ўәлаятында, Қырғызстан ҳәм Өзбекстан шегарасында жайласқан.
