Сыртқы ислер министри Бахтиёр Саидов Грецияның Өзбекстандағы жаңадан тайынланған елшиси Параскеви Тзевелек ханымнан исеним жарлықларының нусқаларын қабыллады.
Ушырасыўда сиясий сөйлесиўди беккемлеў, саўда-экономикалық байланысларды раўажландырыў, мәденият ҳәм билимлендириў тараўларында бирге ислесиўди кеңейтиў мәселелери додаланды.
Ташкент қаласында Греция елшиханасының ашылыўын қоллап-қуўатлаймыз ҳәм бул қәдем мәмлекетлеримиз арасындағы бирге ислесиўди буннан былай да жеделлестириўге хызмет етеди, деп исенемиз. Ҳүрметли елши ханымға Өзбекстанда нәтийжели ҳәм табыслы жумыс алып барыўын тилеймиз, - деп жазады СИМ басшысы өзиниң Телеграм каналында.
Өзбекстан Республикасы сыртқы ислер министри Бахтиёр Саидов 27-октябрь күни Сербия Республикасының Өзбекстандағы Айрықша ҳәм толық ҳуқықлы елшиси етип тайынланған Момчило Бабичтен исеним жарлығын қабыл етти.
Өзбекстанның жаңадан тайынланған елшиси Илҳом Ҳайдаров Түркия Сыртқы ислер министрлиги Протокол Бас басқармасының баслығы, елши Аҳмет Жемил Мироғлуға исеним жарлықларының нусқаларын тапсырды.
