Келип түсип атырған хатларда Жаңа Өзбекстанда әмелге асырылып атырған кең көлемли реформалар стратегиясының нәтийжелери, регионда дослық, шериклик ҳәм жақсы қоңсышылық орталығын беккемлеў, дүнья мәмлекетлери менен өз-ара пайдалы бирге ислесиўди кеңейтиўге қаратылған прагматикалық ҳәм конструктивлик сыртқы сиясат жоқары баҳаланбақта. Социаллық-экономикалық тараўларда ерисилген жетискенликлер, мәмлекетлик ҳәм жәмийетлик турмыстың барлық тараўларындағы табыслар, Өзбекстанның халықаралық майдандағы абырайы артып атырғаны айрықша атап өтилген.
Көп миллетли Өзбекстан халқына тынышлық-татыўлық, абаданлық ҳәм раўажланыў тилеклери билдирилген.
Өзбекстан Республикасы Президенти
Уллы Мәртебели Мырза Шавкат Мирзиёевқа
Ҳүрметли Шавкат Миромонович!
Мәмлекетиңиздиң миллий байрамы - Ғәрезсизлик күни мүнәсибети менен қызғын қутлықлаўларымды қабыл еткейсиз.
Өзбекстан социаллық ҳәм экономикалық тараўларда үлкен жетискенликлерге еристи, жәҳән майданындағы абырайы күн сайын артып бармақта, регионаллық ҳәм халықаралық күн тәртибиндеги көплеген әҳмийетли мәселелерди шешиўге әмелий үлес қоспақта.
Мәмлекетлеримиз арасындағы қатнасықлар стратегиялық шериклик ҳәм аўқамласлық руўхында жедел раўажланбақта. ҒМДА, ШБШ ҳәм басқа да көп тәреплеме структуралар шеңберинде ҳәрекетлерди нәтийжели муўапықластырыў жолға қойылған.
Биз буннан былай да Россия менен Өзбекстан арасындағы өз-ара пайдалы байланысларды барлық бағдарларда ҳәр тәреплеме раўажландыратуғынымызға исенемен. Бул дос халықларымыздың мәплерине, Орайлық Азияда қәўипсизлик ҳәм турақлылықты беккемлеў мақсетлерине толық сәйкес келеди.
Сизге, ҳүрметли Шавкат Миромонович, беккем денсаўлық ҳәм табыслар, барлық ўатанласларыңызға абаданлық ҳәм раўажланыў тилеймен.
Ҳүрмет пенен,
Владимир Путин,
Россия Федерациясы Президенти
* * *
Өзбекстан Республикасы Президенти
Уллы Мәртебели Мырза Шавкат Мирзиёевқа
Ҳүрметли Президент Мырза!
Өзбекстан Республикасы ғәрезсизлигиниң 34 жыллығы мүнәсибети менен Сизге ҳәм дос Өзбекстан халқына қызғын қутлықлаўларымды ҳәм ең жақсы тилеклеримди билдириўге рухсат еткейсиз.
Сизиң басшылығыңызда Өзбекстан экономикасы жедел раўажланбақта, халықтың турмыс дәрежеси жоқарыламақта, мәмлекет исенимли қәдемлер менен стратегиялық мақсет - Жаңа Өзбекстанды қурыўға қарап бармақта. Бул дос ҳәм қоңсы, ҳәр қандай шараятта стратегиялық шерик сыпатында Қытайды шексиз қуўандырады.
Усы жылдың июнь айында Астанада болып өткен ушырасыўымызда еки мәмлекеттиң ҳәр тәреплеме бирге ислесиўи бойынша әҳмийетли келисимлерге ерисилди. Қытай ҳәм Өзбекстан арасындағы еки тәреплеме қатнасықларды буннан былай да раўажландырыў бойынша жаңа реже дүзилди. Сиз бенен сиясий өз-ара исенимди үзликсиз тереңлестириў, бир-биримизди қатаң қоллап-қуўатлаў, раўажланыў стратегияларының өз-ара байланыслылығын беккемлеў, "Бир мәкан, бир жол"ды биргеликте сапалы қурыў бойынша ҳәрекетлерди әмелге асырыўға таярман.
Өзбекстан Республикасына күш-қүдирет ҳәм раўажланыў, оның халқына бахыт-ығбал ҳәм абаданлық тилеймен.
Си Цзиньпин,
Қытай Халық Республикасы Баслығы
* * *
Өзбекстан Республикасы Президенти
Уллы Мәртебели Мырза Шавкат Мирзиёевқа
Ҳүрметли Президент Мырза!
Америка Қурама Штатлары халқы атынан Сизге ҳәм Өзбекстан халқына мәмлекетиңиз ғәрезсизлигиниң 34 жыллығы мүнәсибети менен ең жақсы тилеклеримизди жоллайман. Бул оның тарийхы ҳәм бай мәдениятын еске алыў ушын қуўанышлы себеп болып табылады.
Өзбекстан ғәрезсизликке ерискеннен берли мәмлекетлеримиз арасындағы жедел стратегиялық шерикликке үлес қосатуғын әҳмийетли реформаларды даўам еттирмекте. Биз улыўма мәплеримизди алға қойыў, соның ишинде, шегараларымызды беккемлеў, еки тәреплеме саўда ҳәм инвестицияларды көбейтиў, диний еркинлик ҳәм регионаллық турақлылықты тәмийинлеў жолында биргеликте салмақлы жумысларды әмелге асырдық.
Қурама Штатлар бар байланысларды беккемлеў ҳәм өз-ара пайдалы бирге ислесиўдиң жаңа имканиятларын ашыўға үмит етпекте. Сизге ҳәм пуқараларыңызға Ғәрезсизлик байрамы мүнәсибети менен бахыт-ығбал ҳәм ең жақсы тилеклеримди билдиремен.
Ҳүрмет пенен,
Дональд Трамп,
Америка Қурама Штатлары Президенти
* * *
Өзбекстан Республикасы Президенти
Уллы Мәртебели Мырза Шавкат Мирзиёевқа
Ҳүрметли Шавкат Миромонович!
Қазақстан халқы ҳәм жеке өзимниң атымнан Сизди ҳәм барлық ўатанласларыңызды Ғәрезсизлик күни менен қызғын қутлықлайман.
Бул тарийхый сәне туўысқан Өзбекстанның раўажланыў жолынан исенимли, избе-из раўажланып баратырғанының айқын белгиси болып есапланады. Қазақстан Сизиң ҳәзирги қыйын геосиясий шараятта Жаңа Өзбекстанды қурыўға қаратылған терең ойланған, кең көлемли реформаларыңызды толық қоллап-қуўатлайды.
Сизиң күшли ҳәм абырайлы басшылығыңызда Өзбекстан социаллық-экономикалық раўажланыў ҳәм халықаралық майданда миллий мәплерди қорғаў бағдарында үлкен табысларға еристи.
Қазақстан Өзбекстанның стратегиялық шериги ҳәм исенимли аўқамласы сыпатында елиңиз бенен көп қырлы мәмлекетлераралық байланысларды буннан былай да тереңлестириўге айрықша әҳмийет қаратады.
Исенимим кәмил, Қазақстан - Өзбекстан қатнасықлары буннан былай да туўысқан халықларымыздың абаданлығы, Орайлық Азияда турақлылық ҳәм қәўипсизлик мәплери жолында көп әсирлик дослық, жақсы қоңсышылық ҳәм өз-ара қоллап-қуўатлаў руўхында жедел раўажланып бара береди.
Пурсаттан пайдаланып, Сизге, ҳүрметли Шавкат Миромонович, мәмлекетшилик жумысыңызда жаңа табыслар, туўысқан Өзбекстан халқына абаданлық ҳәм раўажланыў тилеймен.
Ҳүрмет пенен,
Қасым-Жомарт Тоқаев,
Қазақстан Республикасы Президенти
* * *
Өзбекстан Республикасы Президенти
Уллы Мәртебели Мырза Шавкат Мирзиёевқа
Ҳүрметли Шавкат Миромонович!
Сизди ҳәм Өзбекстан халқын Өзбекстан Республикасы ғәрезсизлигиниң 34 жыллығы менен қызғын қутлықлайман.
Ғәрезсизлик ҳәр бир мәмлекеттиң өз жолын таңлаўы ҳәм халықтың абаданлығы ушын жуўапкершиликти өз мойнына алыўы ушын имканият болып табылады. Өзбекстан бул имканияттан үнемли пайдаланып, дүнья жәмийетшилигинде мүнәсип орын ийелеп киятырғаны қуўанышлы.
Бүгинги күнде Өзбекстан барлық тийкарғы тармақларда, әсиресе, экономикалық, социаллық ҳәм сиясий тараўларда турақлы ҳәм исенимли раўажланбақта.
Бул жетискенликлер Сизиң бай тәжирийбеңиз ҳәм әжайып жетекшилигиңиз нәтийжеси болып табылады.
Мәмлекетлеримиз арасындағы стратегиялық шериклик турақлы раўажланып атырғанын айрықша атап өтпекшимен.
Туўысқан халықларымыз арасында қәлиплескен жақсы қоңсышылық ҳәм дослық қатнасықлары жаңа басқышқа көтерилетуғынына, Қырғызстан менен Өзбекстанның ҳәр тәреплеме бирге ислесиўи буннан былай да избе-из раўажланып баратуғынына исенемен.
Сизге, ҳүрметли Шавкат Миромонович, беккем денсаўлық, таўсылмас күш-ғайрат, узақ өмир, шаңарақлық бахыт, жуўапкершиликли жумысыңызда үлкен табыслар, туўысқан Өзбекстан халқына болса тынышлық-парахатшылық ҳәм раўажланыў тилеймен.
Ҳүрмет пенен,
Садир Жапаров,
Қырғыз Республикасы Президенти
* * *
Өзбекстан Республикасы Президенти
Уллы Мәртебели Мырза Шавкат Мирзиёевқа
Қәдирли Шавкат Миромонович!
Мәмлекетиңиздиң миллий байрамы - Ғәрезсизлик күни мүнәсибети менен Сизге ҳәм дос Өзбекстан халқына қызғын қутлықлаўларымыз ҳәм ең жақсы тилеклеримизди жоллаў маған үлкен қанаатланыўшылық бағышлайды.
Өзбекстан өзиниң ҳәр тәреплеме раўажланыў жолында үлкен нәтийжелерге ерисип, халықаралық майданда үлкен абырай-мәртебеге ие болғаны қуўанышлы.
Тәжикстан ең жақын қоңсысының жетискенликлеринен қуўанышлы ҳәм оған өзиниң исенимли шериги сыпатында қарайды.
Биз Тәжикстан ҳәм Өзбекстан арасындағы жыллы, дослық, жақсы қоңсышылық ҳәм мазмунлы қатнасықларды қәдирлеймиз ҳәм оларға айрықша әҳмийет беремиз.
Өзбекстан менен бирге ислесиўдиң избе-из раўажланып атырғаны Тәжикстан сыртқы сиясатының тийкарғы бағдарлары арасында әҳмийетли орын ийелейди.
Мәмлекетлеримиз арасындағы стратегиялық шериклик ҳәм аўқамласлық қатнасықлары ҳәр тәреплеме раўажланып ҳәм кеңейип атырғанынан қуўанышлымыз.
Улыўма илажлар менен барлық потенциал имканиятларды толық иске қосатуғынымызға ҳәм мәмлекетлеримиздиң абаданлығы жолында алдымызға қойған мақсетлерге ерисетуғынымызға исенемен.
Биз, өз гезегинде, халықларымыздың абаданлығы жолында тәреплердиң бирге ислесиўиниң унамлы динамикасын беккемлеў ушын буннан былай да биргеликтеги ҳәрекетлерди даўам еттириўге таярмыз.
Сизге, ҳүрметли Шавкат Миромонович, беккем денсаўлық, бахыт-ығбал ҳәм жуўапкершиликли мәмлекетшилик жумысыңызда жаңа табыслар, дос Өзбекстан халқына болса тынышлық-парахатшылық, абаданлық ҳәм турақлы раўажланыў тилеймен.
Үлкен ҳүрмет пенен,
Эмомали Раҳмон,
Тәжикстан Республикасы Президенти
* * *
Өзбекстан Республикасы Президенти
Уллы Мәртебели Мырза Шавкат Мирзиёевқа
Ҳүрметли Шавкат Миромонович!
Түркменстан халқы ҳәм Ҳүкимети атынан, сондай-ақ, жеке өзимниң атымнан Сизге ҳәм Сиз арқалы туўысқан Өзбекстан Республикасы халқына мәмлекетиңиз Ғәрезсизлик күни мүнәсибети менен қызғын қутлықлаўларым ҳәм ең жақсы тилеклеримди жоллаў мақтанышына миясарман.
Бүгинги күнде Өзбекстан Республикасы сиясий, социаллық-экономикалық ҳәм басқа да тараўларда раўажланыў жолынан исенимли бармақта. Жақын қоңсымыздың жетискенликлеринен қуўанышлымыз.
Түркменстан ҳәм Өзбекстан Республикасы арасындағы ҳәзирги еки тәреплеме қатнасықлар конструктивлик ҳәм турақлы характерге ийе екенин қанаатланыўшылық пенен атап өтпекшимен. Олар ең кең шеңбердеги бағдарлар бойынша раўажланбақта. Биргеликтеги ҳәрекетлеримиз бенен Түркменстан - Өзбекстан туўысқанлық қатнасықлары халықларымыздың абаданлығы жолында және де раўажланып, беккемленип баратуғынына беккем исенемен.
Усы жағымлы имканияттан пайдаланып, Сизге, ҳүрметли Шавкат Миромонович, беккем денсаўлық, бахыт-ығбал ҳәм жуўапкершиликли мәмлекетшилик жумысыңызда жаңа табыслар, туўысқан Өзбекстан халқына болса тынышлық-парахатшылық, абаданлық ҳәм раўажланыў тилеймен!
Терең ҳүрмет пенен,
Сердар Бердимуҳамедов,
Түркменстан Президенти
* * *
Өзбекстан Республикасы Президенти
Уллы Мәртебели Мырза Шавкат Мирзиёевқа
Ҳүрметли Шавкат Миромонович!
Мәмлекетиңиз Ғәрезсизлик күни мүнәсибети менен Сизге ҳәм Сиз арқалы туўысқан Өзбекстан халқына қызғын қутлықлаўларым ҳәм ең жақсы тилеклеримди жоллайман.
Өзбекстан ғәрезсизликке ерискеннен берли сиясий, экономикалық ҳәм социаллық раўажланыўда үлкен табысларға еристи, халықаралық майданда мүнәсип абырай-мәртебеге ийе болды, регионаллық ҳәм глобаллық күн тәртибиндеги әҳмийетли мәселелерди шешиўде конструктивлик роль атқармақта.
Жақында "Аваза" миллий туристлик зонасында "Түркменстан - Әзербайжан - Өзбекстан" жоқары дәрежедеги ушырасыўы шеңберинде болып өткен ушырасыўымызды айрықша қанаатланыўшылық пенен еслеймен. Онда тәреплердиң мәмлекетлеримиз арасындағы көп қырлы бирге ислесиўди избе-из кеңейтиў ҳәм беккемлеўге умтылысы және бир мәрте тастыйықланды.
Бул жағымлы имканияттан пайдаланып, Сизге, ҳүрметли Шавкат Миромонович, беккем денсаўлық, бахыт-ығбал ҳәм абаданлық, туўысқан Өзбекстан Республикасы халқына болса тынышлық-татыўлық, турақлы раўажланыў тилеймен.
Терең ҳүрмет пенен,
Гурбангули Бердимуҳамедов,
Түркмен халқының миллий жетекшиси, Түркменстан Халық Мәсләҳәти Баслығы
* * *
Өзбекстан Республикасы Президенти
Уллы Мәртебели Мырза Шавкат Мирзиёевқа
Ҳүрметли Шавкат Миромонович!
Қәдирли туўысқаным!
Өзбекстан Республикасының миллий байрамы - Ғәрезсизлик күни мүнәсибети менен жеке өзимниң атымнан ҳәм Әзербайжан халқының атынан Сизге қызғын қутлықлаўларым ҳәм ең жақсы тилеклеримди жоллайман.
Бүгин биз туўысқан мәмлекет сыпатында мәмлекетиңиз Сиз белгилеп берген Жаңа Өзбекстан стратегиясы тийкарында жедел ҳәм ҳәр тәреплеме раўажланып атырғаны, барлық тараўларда раўажланыўға ерисилип атырғаны, экономикалық потенциал беккемленип, глобаллық көлемде абырайыңыз ҳәм орныңыз көтерилип атырғанын қуўаныш пенен бақлап атырмыз. Өзбекстан ерисип атырған барлық жетискенликлер Сизиң көп қырлы жумысыңыз, узақты гөзлеген сиясатыңыз, Ўатан ҳәм халық алдындағы абырайлы хызметиңиз нәтийжеси болып есапланады.
Әзербайжан - Өзбекстан қатнасықлары тарийхы, тили ҳәм мәденияты уқсас болған халықларымыз арасында қәлиплескен жақсы туўысқанлық байланысларын айқын сәўлелендиреди.
Мәмлекетлераралық қатнасықлардың избе-из раўажланыўында өз-ара сапар етиўлер ҳәм жоқары дәрежедеги ушырасыўлар әҳмийетли орын ийелейди. Сизиң июль айында Әзербайжанға мәмлекетлик сапарыңыз еки тәреплеме қатнасықларымыздың аўқамласлық характерин және бир мәрте тастыйықлады. Әзербайжан ҳәм Өзбекстан арасындағы бирге ислесиўдиң кейинги бағдарлары бойынша ерисилген әҳмийетли келисимлер, сондай-ақ, ҳәр қыйлы тараўларда, әсиресе, экономикалық шерикликти диверсификациялаў бойынша қол қойылған ҳүжжетлер бирге ислесиўимиздиң көлемин кеңейтиў, аўқамласлық қатнасықларды буннан былай да беккемлеў ҳәм тереңлестириўге хызмет ететуғынына исенемен.
Биргеликтеги ҳәрекетлеримиз бенен күн сайын жаңа мазмун менен байып атырған туўысқан Өзбекстан менен бирге ислесиўимизди, әсиресе, экономика ҳәм саўда, энергетика, инвестициялар, аўыл хожалығы, транспорт ҳәм логистика тараўларындағы байланысларымызды буннан былай да кеңейтиўге қатаң қарар еткенбиз. Өз-ара түсинисиў ҳәм исенимниң жоқары дәрежеси буның ушын қолайлы тийкар жаратады.
Әзербайжан ҳәм Өзбекстанның дослығы буннан кейин де барлық биргеликтеги басламаларымызды әмелге асырыўда әҳмийетли орын ийелеп, мәмлекетлеримиздиң раўажланыўы ҳәм халықларымыздың абаданлығына хызмет ететуғынына исенемен.
Ҳүрметли туўысқаным!
Бул қутлы әййямда Сизди және бир мәрте қызғын қутлықлап, беккем денсаўлық, бахыт-ығбал, мақтанышлы ҳәм жуўапкершиликли жумысыңызда табыслар, туўысқан өзбек халқына болса тынышлық-парахатшылық, абаданлық ҳәм раўажланыў тилеймен.
Ҳүрмет пенен,
Илҳам Алиев,
Әзербайжан Республикасы Президенти
* * *
Өзбекстан Республикасы Президенти
Уллы Мәртебели Мырза Шавкат Мирзиёевқа
Ҳүрметли Шавкат Миромонович,
Сизди бас байрамыңыз - Өзбекстан Республикасының Ғәрезсизлик күни менен шын кеўлимнен қызғын қутлықлайман.
Сизиң басшылығыңызда мәмлекетиңиз социаллық-экономикалық раўажланыў жолынан исенимли бармақта, регионаллық күн тәртибиндеги мәселелерди шешиўде белсене қатнаспақта, жәҳән майданындағы орнын беккемлемекте.
Минск ҳәм Ташкент дослық байланыслары менен тығыз байланысқан, ҳәр қыйлы бағдарларда нәтийжели бирге ислесип келмекте. Шерикликтиң бүгинги дәрежеси бизге үшинши мәмлекетлер базарларына шығыў, көп тәреплеме структуралар шеңберинде бир-биримизди қоллап-қуўатлаў имканиятын бермекте.
Биргеликтеги ҳәрекетлеримиз бенен еки тәреплеме конструктивлик қатнасықларды халықларымыздың абаданлығы жолында көп әсирлик дослық ҳәм беккем исеним руўхында избе-из раўажландырыўда даўам ететуғынымызға исенемен.
Сизге, ҳүрметли Шавкат Миромонович, жуўапкершиликли мәмлекетшилик жумысыңызда жаңа табыслар, Өзбекстан халқына болса абаданлық ҳәм раўажланыў тилеймен.
Ҳүрмет пенен,
Александр Лукашенко,
Беларусь Республикасы Президенти
* * *
Өзбекстан Республикасы Президенти
Уллы Мәртебели Мырза Шавкат Мирзиёевқа
Ҳүрметли Президент мырза, әзиз туўысқаным!
Сиз, Уллы мәртебели мырзаға ҳәм туўысқан өзбек халқына Ғәрезсизлик байрамы мүнәсибети менен ең қызғын қутлықлаўларымды билдиремен.
Ғәрезсизликке ерисилген күннен ҳәзирги күнге шекем өткен 34 жыл даўамында дос ҳәм туўысқан Өзбекстан, әсиресе, Сизиң басшылығыңызда халықаралық абырайын турақлы түрде беккемлеп, және де абадан ҳәм абат мәмлекетке айланып баратырғанынан биз де мақтанамыз.
Улыўма инсаныйлық байланысларымыздан күш алыўшы өзине тән қатнасықларымыз еки тәреплеме дәрежеде ҳәм көп тәреплеме платформаларда, әсиресе, Түркий мәмлекетлер шөлкеми шеңберинде күннен-күнге раўажланып атырғанынан қуўанышлымыз.
Өз гезегинде, келешекте өткерилетуғын Жоқары дәрежедеги Өзбекстан - Түркия стратегиялық бирге ислесиў кеңесиниң мәжилиси мүнәсибети менен гөззал елиңизге сапар етиўди интизарлық пенен күтип атырман.
Пурсаттан пайдаланып, Өзбекстанның Ғәрезсизлик байрамы мүнәсибети менен және бир мәрте қызғын қутлықлап, Сиз, Уллы мәртебели мырзаға беккем денсаўлық ҳәм бахыт-ығбал, туўысқан өзбек халқына болса аманлық ҳәм абаданлық тилеп қаламан.
Режеп Таййип Эрдоған,
Түркия Республикасы Президенти
* * *
Өзбекстан Республикасы Президенти
Уллы Мәртебели Мырза Шавкат Мирзиёевқа
Уллы мәртебели мырза, ҳүрметли достым!
Ҳиндстан халқы ҳәм Ҳүкимети атынан Сизге ҳәм дос Өзбекстан халқына мәмлекетиңиз Ғәрезсизлик күни мүнәсибети менен қызғын қутлықлаўым ҳәм ең жақсы тилеклеримди билдириўге рухсат еткейсиз.
Өткен жылы октябрь айында Қазан қаласында болып өткен БРИКС саммити шеңбериндеги нәтийжели ҳәм конструктивлик ушырасыўымызды жыллы жүзлилик пенен еслеймен. Ҳиндстан Өзбекстан менен ҳәр тәреплеме ҳәм өз-ара пайдалы стратегиялық шериклигимиз ушын беккем тийкар болып хызмет етип атырған тарийхый ҳәм мәдений дослық байланысларын жоқары қәдирлейди. Жыллар даўамында бирге ислесиўимиз барлық тараўларда, соның ишинде, қорғаныў, саўда, экономика, билимлендириў, мәденият ҳәм гуманитарлық байланысларда кеңейип барды.
Мәмлекетлеримиз арасындағы беккем шериклик буннан былай да халықларымыздың мәпи жолында беккемленип баратуғынына исенемен.
Пурсаттан пайдаланып, Сизге беккем денсаўлық, табыслар, Өзбекстан халқына болса абаданлық ҳәм және де раўажланыў тилеймен.
Уллы мәртебели мырза, Сизге болған жоқары ҳүрметимди қабыл еткейсиз.
Нарендра Моди,
Ҳиндстан Республикасы Бас министри
* * *
Өзбекстан Республикасы Президенти
Уллы Мәртебели Мырза Шавкат Мирзиёевқа
Өзбекстан Республикасы Ғәрезсизлик күни мүнәсибети менен Сиз, Уллы мәртебели мырзаға ҳәм дос өзбек халқына ең қызғын қутлықлаўларымды, елиңизге болса және де раўажланыў ҳәм абаданлық тилеў маған үлкен қанаатланыўшылық бағышлайды.
Пурсаттан пайдаланып, Египет Араб Республикасы Өзбекстан менен орнатқан өзине тән қатнасықларға үлкен әҳмийет қаратып атырғанын атап өтип, бирге ислесиўимиз бағдарларын еки дос халықларымыздың мәплери жолында ҳәр қыйлы тараўларда буннан былай да беккемлеўди даўам еттириўге садық екенимди атап өтемен.
Ҳүрметли Уллы Мәртебели Президент Мырза, Сизге денсаўлық-саламатлық ҳәм мәмлекетшилик жумысыңызда табыслар, дос Өзбекстан халқына болса турақлы абаданлық ҳәм раўажланыў тилеп қаламан.
Жоқары ҳүрмет ҳәм иззет пенен,
Абдулфаттоҳ ас-Сиси,
Египет Араб Республикасы Президенти
* * *
Өзбекстан Республикасы Президенти
Уллы Мәртебели Мырза Шавкат Мирзиёевқа
Сиз, Уллы мәртебели мырзаны, дос ҳәм туўысқан Өзбекстан Республикасы халқын мәмлекетиңиз Ғәрезсизлик күни менен шын кеўлимнен қутлықлайман.
Мәдений уқсаслық, жоқары мәртебели делегациялардың алмасыўы өз-ара байланысларымызды кеңейтиў ҳәм даўам еттириўде әҳмийетли роль атқарды. Биргеликтеги ис-ҳәрекетлер нәтийжесинде биз өз-ара мәплерге муўапық қатнасықлардың барған сайын кеңейип атырғанына, регионаллық ҳәм халықаралық тынышлық ҳәм қәўипсизликти раўажландырыўға гүўа боламыз, деп үмит етемен.
Алла тааладан Уллы мәртебели мырзаға денсаўлық ҳәм табыслар, Өзбекстан Республикасы халқына болса абаданлық ҳәм бахыт тилеймен.
Масъуд Пезешкиён,
Иран Ислам Республикасы Президенти
* * *
Өзбекстан Республикасы Президенти
Уллы Мәртебели Мырза Шавкат Мирзиёевқа
Уллы мәртебели мырза!
Сизди ҳәм дос Өзбекстан Республикасы халқын қутлы байрам - Өзбекстан Республикасы Ғәрезсизлиги күни менен шын кеўлимнен қызғын қутлықлайман.
Пакистан ҳәм Өзбекстанды әзелден уқсас исеним, тарийх, мәденият ҳәм мийрасқа ие туўысқанлық байланыслары байланыстырып турады. Бул терең байланыслар ҳәр еки тәрептиң дана басшылығы ҳәм исенимли садықлығы себепли жаңаша түс алып атырғанын бақлаў биз ушын айрықша қанаатланыўшылық дәреги есапланады.
Жақында еллеримиздиң қатнасықлары тарийхый басқышқа көтерилип, әҳмийетли механизм - жоқары дәрежедеги Стратегиялық бирге ислесиў кеңеси дүзилди. Бул жетискенликтен келип шығып, көп жыллық дослығымызды өз-ара пайдалы стратегиялық ҳәм көп қырлы шериклик дәрежесине көтериўде Сиз бенен тығыз бирге ислесиўге үмит етемен.
Пурсаттан пайдаланып, Сизге беккем денсаўлық, бахыт-ығбал ҳәм табыслар, Өзбекстандағы досларымызға болса турақлы тынышлық, раўажланыў тилеймен.
Уллы мәртебели мырза, Сизге болған жоқары ҳүрметимди қабыл еткейсиз.
Шаҳбоз Шариф,
Пакистан Ислам Республикасы Бас министри
* * *
Өзбекстан Республикасы Президенти
Уллы Мәртебели Мырза Шавкат Мирзиёевқа
Ҳүрметли Президент Мырза!
Сизди ҳәм Өзбекстан халқын миллий байрам - Өзбекстан Республикасының Ғәрезсизлик күни менен қызғын қутлықлаўға руқсат еткейсиз.
Усы жыл 24-июль күни болып өткен телефон арқалы сөйлесиўимизде мәмлекетлеримиз арасындағы қатнасықларды буннан былай да раўажландырыў бағдарындағы умтылысымыз исенимли екенин және бир мәрте тастыйықлағанымызды қанаатланыўшылық пенен атап өтпекшимен.
Бундай өз-ара түсинисиў, сондай-ақ, Корея Республикасы ҳәм Өзбекстан Республикасы арасында көп жыллар даўамында қәлиплескен беккем исеним себепли бирге ислесиўимиздиң "Айрықша стратегиялық шериклик" статусы және де беккемленетуғынына исенемен. Жедел алмасыўлар халықларымыз арасындағы дослық байланысларын және де беккемлеўге хызмет ететуғынына исенемен.
Келеси жылы Корея Республикасында өткерилиўи режелестирилген "Корея - Орайлық Азия" саммити ҳәм басқа да халықаралық илажлар шеңберинде өз-ара пайдалы ҳәм дослық бирге ислесиўимизди буннан былай да беккемлеў бойынша мазмунлы ҳәм нәтийжели сөйлесиў өткериў ушын Сиз, Президент мырза менен жеке ушырасыў имканиятын асығып күтемен.
Өзбекстан Республикасына тынышлық ҳәм турақлы раўажланыў, Сизге, ҳүрметли Президент, беккем денсаўлық, Өзбекстан халқына бахыт-ығбал ҳәм абаданлық тилеймен.
Ҳүрмет пенен,
Ли Чжэ Мён,
Корея Республикасы Президенти
* * *
Өзбекстан Республикасы Президенти
Уллы Мәртебели Мырза Шавкат Мирзиёевқа
Ҳүрметли Президент Мырза!
Европа Аўқамы атынан Сизге ҳәм Өзбекстан халқына Өзбекстан Республикасының Ғәрезсизлик күни мүнәсибети менен ең қызғын қутлықлаўларымды жолламақшыман.
Бул сәне тек ғана мәмлекетиңиздиң суверенитети байрамы емес, ал халқыңыздың мәртлиги ҳәм умтылысларынан дәрек береди. Ол Өзбекстан ерискен сиясий, экономикалық ҳәм социаллық раўажланыўды, сондай-ақ, Европа Аўқамы ҳәм мәмлекетиңиз арасында орнатылған беккем дослық байланысларды тән алыў имканиятын береди.
Бизиң шериклигимиз, әлбетте, жаңа басқышқа көтерилди, барлық тараўларда, соның ишинде, Сизиң басшылығыңызда нәтийжели ҳәм көп қырлы бирге ислесиў менен ажыралып турады. Быйыл апрель айында Самарқандта "Европа Аўқамы - Орайлық Азия" биринши саммити шеңберинде болып өткен ушырасыўымыз, сондай-ақ, өзбек халқының миймандослығын сезиў бахтына миясар болғаным ҳаққында әжайып естеликлер сақланған.
Сиз бенен 2025-жыл 24-октябрь күни Брюсселде болып өтетуғын ушырасыўды интизарлық пенен күтемен, ол жерде Европа Аўқамы ҳәм Өзбекстан арасында Кеңейтилген шериклик ҳәм бирге ислесиў ҳаққындағы келисимге қол қойылыўы мүнәсибети менен пикир алысыўды даўам еттириў имканиятына ийе боламыз.
Пурсаттан пайдаланып, Сиз, Уллы мәртебели Мырзаға және бир мәрте жоқары ҳүрметимди билдириўге рухсат еткейсиз.
Шын жүректен,
Антониу Кошта,
Европа кеңеси Президенти
* * *
Өзбекстан Республикасы Президенти
Уллы Мәртебели Мырза Шавкат Мирзиёевқа
Президент мырза!
Өзбекстан Республикасының ғәрезсизлик күни мүнәсибети менен Сизге ҳәм өзбек халқына қызғын қутлықлаўларымды жоллайман.
Мәмлекетлеримиз арасындағы қатнасықлар беккем шериклик характерине ийе. Өткен жылы да олар раўажланыўда даўам еткенин атап өтиўден қуўанышлыман. Германияның Орайлық Азия мәмлекетлери менен стратегиялық регионаллық шериклиги, сондай-ақ, қол қойылған Миграция ҳәм ҳәрекетлениў тараўында бирге ислесиў ҳаққындағы келисим еки тәреплеме бирге ислесиўимизди буннан былай да тереңлестириў жолында жаңа бағдарларды белгилеп берди.
Басшылығыңызда әмелге асырылып атырған реформалар сиясатында Сизге үлкен табыслар тилеймен ҳәм Германия буннан былай да исенимли шерик сыпатында Сизди қоллап-қуўатлайтуғынына исендирип айтаман. Турақлы, абадан ҳәм демократиялық Өзбекстан пүткил регион ушын айрықша әҳмийетке ийе.
Президент мырза, мениң ең жақсы тилеклеримди қабыл етиң, Өзбекстан халқына болса еркинлик, қәўипсизлик ҳәм абаданлыққа тийкарланған тыныш келешек тилеймен.
Франк-Вальтер Штайнмаер,
Германия Федеративлик Республикасы Президенти
* * *
Өзбекстан Республикасы Президенти
Уллы Мәртебели Мырза Шавкат Мирзиёевқа
Президент мырза!
Ғәрезсизлик байрамы мүнәсибети менен Сизди жеке өзимниң атымнан ҳәм Италия Республикасының атынан қызғын қутлықлаўға руқсат еткейсиз.
Еллеримиз арасындағы стратегиялық бирге ислесиўди кеңейтиў өз-ара мәплеримизди жақынластырыўға хызмет етпекте. Бул процесс ҳәр қыйлы тараўларды қамтып алып, болып өткен жоқары дәрежедеги нәтийжели ушырасыўларда ерисилген нәтийжелерге жаңа пәт бағышлайды ҳәм көплеген биргеликтеги жойбарларда өз көринисин табады.
Ташкент ҳәм Рим арасындағы өз-ара пайдалы еки тәреплеме сөйлесиў регионаллық бирге ислесиў арқалы да және де раўажланбақта. Бүгинги күнде "Италия - Орайлық Азия" форматы тынышлық, турақлылық ҳәм избе-из раўажланыўды тәмийинлеў ушын өзине тән майдан болып хызмет етпекте.
Мәмлекетиңиздиң Европа Аўқамы менен барған сайын тереңлесип атырған қатнасықлары Бирлескен Миллетлер Шөлкеми Режесинде беккемленген принциплерге садықлық, халықаралық тәртип нормалары ҳәм қағыйдаларына әмел етиў менен биргеликте усы жоқары мақсетлерге ерисиўге алып келеди, деп үмит етемен.
Пурсаттан пайдаланып, Сизге ҳәм дос Өзбекстан халқына және бир мәрте абаданлық ҳәм раўажланыў тилеймен.
Сержо Маттарелла,
Италия Республикасы Президенти
* * *
Төмендегилер де өз қутлықлаўларын жоллаған:
Армения Республикасы Бас министри Никол Пашинян,
Саудия Арабстаны Пачасы Салмон ибн Абдулазиз Ол Сауд,
Саудия Арабстаны Мийрасхоры, Бас министри Муҳаммад ибн Салмон Ол Сауд,
Пакистан Ислам Республикасы Президенти Асиф Али Зардарий,
Бирлескен Араб Әмирликлери Президенти Шайх Муҳаммад бин Зоид Ол Наҳаян,
Бирлескен Араб Әмирликлери Вице-президенти, Бас министри, Дубай әмирлигиниң ҳәкими Шайх Муҳаммад бин Рошид Ол Мактум,
Бирлескен Араб Әмирликлери Вице-президенти, Бас министриниң орынбасары, Президент Администрациясының басшысы Шайх Мансур бин Зоид Ол Наҳаян,
Болгария Республикасы Президенти Румен Радев,
Ирландия Республикасы Президенти Майкл Хиггинс,
Сербия Республикасы Президенти Александр Вучич,
Словения Республикасы Президенти Наташа Пирс Мусар,
Словакия Республикасы Президенти Петер Пеллегрини,
Латвия Республикасы Президенти Эдгарс Ринкевичс,
Черногория Республикасы Президенти Яков Милатович,
Чехия Республикасы Президенти Петр Павел,
Швейцария Конфедерациясы Президенти Карин Келлер-Зуттер,
Естония Республикасы Президенти Алар Карис,
Грузия Президенти Михаил Кавелашвили,
Босния ҳәм Герцеговина Президиумы Баслығы Желько Комшич,
Уллы Британия ҳәм Арқа Ирландия Бирлескен Патшалығы Патшасы Чарльз III,
Япония Императори Нарухито,
Бельгиялылар Патшасы Филипп,
Испания короли Филипп Масъуд Пезешкиён,
Марокаш Патшасы Муҳаммад Масъуд Пезешкиён,
Камбоджа Патшасы Нородом Сиамани,
Монголия Президенти Ухнаагийн Хурэлсух,
Сингапур Республикасы Президенти Тарман Шанмугаратнам;
Вьетнам Социалистлик Республикасы Президенти Лионг Кионг,
Тайланд Патшалығы Бас министри ўазыйпасын атқарыўшы Пхумтхам Вечаячай,
Палестина Мәмлекети Президенти Маҳмуд Аббос,
Аўғанстан Бас министри Муҳаммад Ҳасан Охунд,
Шанхай бирге ислесиў шөлкеминиң бас хаткери Нурланбек Ермекбаев,
Түркий мәмлекетлер шөлкеминиң бас хаткери Кубаничбек Омуралиев,
Ғәрезсиз Мәмлекетлердиң Дослық Аўқамы Бас хаткери Сергей Лебедев,
Экономикалық бирге ислесиў шөлкеминиң бас хаткери Асад Хан,
Ислам бирге ислесиў шөлкеминиң бас хаткери Ҳусайн Иброҳим Тоҳа,
Ислам дүньясы билимлендириў, илим ҳәм мәденият шөлкеми бас директоры Салим ал-Малик,
БМШ Азық-аўқат ҳәм аўыл хожалығы шөлкеминиң бас директоры Цюй Дуньюй.
Қутлықлаўлар келиўи даўам етпекте.
