Шахмат бойынша онлайн тәризде өткерилген “Titled Tuesday” турниринде жас гроссмейстеримиз Жавоҳир Синдоров табыслы қатнасты.
Турнир жеңимпазлығы 11-турда 10 очко топлаған полшалы Ян-Криштоф Дудаға несип етти. 11 имканияттан 9 очко топлаған Синдоров қосымша көрсеткишлерге бола, 2-орынды қолға киргизди. Америкалы Кристофер Ю 3-орынды ийеледи.
Онлайн турнир жеңимпазы 1 мың АҚШ доллары ақшалай сыйлыққа ийе болса, Синдоров 750, 3-орынды ийелеген шахматшы 350 долларға ийе болды.
Усы жылдың 7-февраль күни Германияның Вейссенхаус қаласында басланып атырған шахмат бойынша "Freestyle Chess Grand Slam" халықаралық турниринде гроссмейстерлеримиз Нодирбек Абдусатторов ҳәм Жавоҳир Синдоров жеңимпазлық ушын гүреске кириседи.
Нидерландияның Вейк-ан-Зее қаласында даўам етип атырған "Tata Steel Chess-2025" турнириниң 9-турында Нодирбек Абдусатторов қара даналарда АҚШ ўәкили Фабиано Каруана менен теңликке еристи.
Нидерландияның Вейк-ан-Зее қаласында шахмат бойынша дәстүрий тәризде өткерилип киятырған "Тата Стеэл Чесс-2025" турнириниң быйылғы жарысларында Абдусатторов тең болып, Яқуббоев жеңиске еристи.
