Бул жойбарға Балх ўәлаяты ҳәкиминиң экономикалық мәселелер бойынша орынбасары Мавлавий Нурул Ҳодий Абу Идрис ҳәм компания бас директоры Ҳайитбой Омонов қатнасыўында рәсмий старт берилди. Компания Аўғанстан тәрепи менен сөйлесиўлерден соң тийисли лицензияны алған.
Жойбар Өзбекстан Республикасы Таў-кән санааты ҳәм геология министрлиги ҳәм Аўғанстан Ислам Әмирлиги Таў-кән санааты ҳәм нефть министрлиги арасында алдын қол қойылған бирге ислесиў ҳаққындағы келисим шеңберинде әмелге асырылмақта. Тәреплер геология ҳәм таў-кән тараўларындағы бирге ислесиўди буннан былай да раўажландырыўға таяр екенин тастыйықлады.
Бул баслама еки тәреплеме бирге ислесиўди беккемлеў, сондай-ақ, қазып шығарыў санаатын раўажландырыў ҳәм регионның тәбийғый ресурсларын үйрениўге хызмет етеди.
