Қарарға бола, 2027-жыл 1-январьға шекем ҳуқықый эксперимент түринде төмендегилерди нәзерде тутатуғын система енгизиледи:
- Денсаўлықты сақлаў министрлиги, Қурылыс ҳәм турақ жай коммунал хожалығы министрлиги, Суў хожалығы министрлиги, "Өзбекнефтгаз" АЖ ҳәм "Өзсуўтәмийнат" АЖның коррупцияға қарсы ишки қадағалаў бөлимлериниң баслығы лаўазымына Коррупцияға қарсы гүресиў агентлиги (Агентлик) хызметкерлери тайынланады;
- эксперимент өткерилетуғын шөлкемлердиң коррупцияға қарсы ишки қадағалаў бөлимлериниң басшылары тиккелей Агентликке бойсынады;
- эксперимент өткерилетуғын шөлкемлердиң коррупцияға қарсы ишки қадағалаў бөлимлериниң жумысын шөлкемлестириў, муўапықластырыў ҳәм мониторинг етиў Агентлик ҳәм эксперимент өткерилетуғын шөлкемлер тәрепинен биргеликте әмелге асырылады.
Агентлик мәмлекетлик уйымлар ҳәм шөлкемлердиң коррупцияға қарсы ишки қадағалаў бөлимлериниң жумысын муўапықластырыў ҳәм методикалық тәмийинлеў, олардың хызметкерлерин стажировка ҳәм аттестациядан өткериў және маманлығын арттырыў бойынша арнаўлы ўәкилликли уйым етип белгиленди.
