Қарарға бола, 2025-жылы Түркстан жадидшилик ҳәрекетиниң тийкарын салыўшысы, белгили жазыўшы ҳәм жәмийетлик ғайраткер, баспа ҳәм педагог Маҳмудхожа Беҳбудий туўылғанының 150 жыллығы кеңнен белгиленеди.

Маҳмудхожа Беҳбудий туўылғанының 150 жыллығын белгилеў бойынша әмелге асырылатуғын илажлар бағдарламасы тастыйықланды.

Бағдарламада төмендеги мәселелерге айрықша итибар қаратылады, атап айтқанда:

- ойшыл жазыўшының "Таңланған шығармалар" топламы, оның өмири ҳәм жумысына бағышланған илимий-оммабоп китапларды баспаға таярлаў ҳәм басып шығарыў;

- Маҳмудхожа Беҳбудий ҳаққында спектакллар сахналастырыў және бүгинги күнге шекем жаратылған "Маҳмудхожа Беҳбудий" киносериали ҳәм "Халық жүреги" көркем-публицистикалық фильмлериниң ғалабалық көргизбелерин шөлкемлестириў;

- улыўма орта билим бериў мәкемелери, дөретиўшилик мектеплериниң оқыўшылары, "Темурбеклер мектеплери" курсантлары ҳәм жоқары билимлендириў мәкемелериниң студентлери арасында "Маҳмудхожа Беҳбудий сабақлары" темасында шығармалар таңлаўын өткериў ҳәм жеңимпазларды мүнәсип сыйлықлаў;

- 2025-жыл октябрь айында "Маҳмудхожа Беҳбудий мийрасы ҳәм жадидшилик ҳәрекетин үйрениўдиң әҳмийетли мәселелери" темасында халықаралық илимий-әмелий конференция шөлкемлестириў;

- 2025-жылы ноябрь айында Маҳмудхожа Беҳбудий туўылғанының 150 жыллығына бағышланған салтанатлы әдебий-ағартыўшылық еслеў кешесин өткериў.