Саммитте Өзбекстан Республикасы Президенти Шавкат Мирзиёевтиң қатнасыўшыларға мүрәжаты оқып еситтирилди. Мәмлекетимиз басшысы қутлықлаўда Өзбекстан туўысқан Қатар халқы ҳәм барлық мусылман мәмлекетлери менен беккем тилеклес екенин билдирип, жақында Жақын Шығыста тынышлық ҳәм турақлылыққа қәўип салып атырған әскерий агрессияны қатаң қаралады.
Өзбекстан өзиниң турақлы позициясын және бир мәрте тастыйықлады:
барлық келиспеўшиликлер тыныш жол менен ҳәм дипломатия жәрдеминде шешилиўи керек;
халықаралық жәмийетшилик зорлықты тоқтатыў ҳәм оның және де күшейиўиниң алдын алыў ушын жедел илажлар көриўи керек;
Палестина халқының БМШ резолюцияларына муўапық ғәрезсиз мәмлекет дүзиўге болған нызамлы ҳуқықын ҳүрмет етиў зәрүр;
Өзбекстан жәбирленгенлерге гуманитарлық жәрдем көрсетиўге таяр екенин мәмлекетимизде бир топар Палестина пуқараларын қабыл етиў ҳәм қоллап-қуўатлаў арқалы көрсетти.
Саммит регионымызда беккем тынышлық ҳәм қәўипсизликти тәмийинлеўге қаратылған аўызбиршиликти көрсетиў ҳәм келисилген биргеликтеги қарарларды ислеп шығыў ушын әҳмийетли майданға айланды.
