Египеттен Өзбекстанға С гепатитине қарсы дәри-дәрмақларды жеткерип бериў қайта жолға қойылды

Өзбекстан Президентиниң С гепатит кеселлигин 100 процент емлеў бойынша басламасы орынланыўы шеңберинде 14-декабрь күни "Uzbekistan Airways" авиакомпаниясы Египет ҳүкимети тәрепинен мәмлекетимизге гуманитарлық жәрдем сыпатында ажыратылған "С" гепатитине қарсы "Софосбувир-400mg" дәринин Шарм аш-Шайхтан Ташкентке жеткериў процесин қайта жолға қойды, деп хабар бермекте "Дунё" ХА

Бул сегизинши партиядағы жәрдем улыўма 30 қутида 7200 дана "Софосбувир-400mg" дәрилерин өз ишине алады.

Дәри-дәрмақлар Өзбекстан Денсаўлықты сақлаў министрлиги жанындағы Вирусология илимий-изертлеў институты тәрепинен емленип атырған наўқасларға бөлистириледи.

Өзбекстан елшиханасының хабарына бола, Египет ҳүкимети тәрепинен улыўма баҳасы 4,2 миллион АҚШ долларына тең болған жәми 800 мың дана (40 тоннаға шамалас) С гепатитине қарсы "Даклатасвир" ҳәм "Софосбувир," В гепатитине қарсы "Энтекавир" дәри-дәрмақларынын бийғәрез грант жәрдем ретинде Өзбекстанға бериў бойынша келисимге ерисилген.

Ҳәзирги ўақытқа шекем салмағы 13,4 тонна, улыўма баҳасы 1461 мың долларға тең болған усы дәри-дәрмақлар мәмлекетимизге басқышпа-басқыш жиберилди.

Семизлик медициналық мәденият арқалы саламат турмысқа қайтыў мүмкин

Президентимиз Олий Мажлис Нызамшылық палатасының усы жыл 20-ноябрьдеги мәжилисинде орташа өмир көриў дәрежесин 78 жасқа шекем жеткериў ушын басланғыш медициналық хызметтиң сапасын арттырыў зәрүрлигин атап өтти. Сондай-ақ, халық арасында саламат турмыс тәризи, дурыс аўқатланыў, дене тәрбия ҳәм спортты ғалаба ен жайдырыў сыяқлы мәселелер бойынша ҳүкимет айрықша бағдарламалар ислеп шығыўы зәрүр екенлигин атап өтти.

Порлытаўда шаңарақлық поликлиника ашылды

Мойнақ районындағы Ақ қала аўыл пуқаралар жыйыны аймағындағы “Порлытаў” аўылында Мойнақ районы Медицина бирлеспесине қараслы “Ақ қала” шаңарақлық поликлиникасының ашылыў мәресими болып өтти.

Өз-ара жәрдем мәденияты қәлиплеспекте

Өзбекстан Республикасы Президентиниң 2024-жыл 26-августтағы “Пуқаралық жәмийети институтларын мәмлекет тәрепинен қоллап-қуўатлаў системасын және де жетилистириў илажлары ҳаққында”ғы пәрманында белгиленген “Пуқаралық жәмийети ҳәптелиги” шеңберинде Рреспублика көлеминде аймақлық қан қуйыў орайлары менен биргеликте усы жылдың 2-6-декабрь күнлери “Биз донормыз!” қан тапсырыў акциясын өткериў режелестирилген.

Донорлар қайырлы иске қол урды

Донорлық – мақтанышлы, саўаплы ҳәм қайырлы ис. Гейде биреў ушын бир тамшы қан – және бир жаңа өмирди аңлатады. Сондай-ақ, айрықша жағдайда жарақатланған адамлар, әсиресе кишкене балалар көп қан жоғалтыўы ақыбетинде олардың өмири қыл үстинде қалады. Бундай жағдайларда донорлардың бийминнет жәрдемине таянылады.

Мақсет – медициналық хызметти халықаралық дәрежеге алып шығыў

Өзбекстан Республикасы Президентиниң 2024-жыл 22-январдағы “Денсаўлықты сақлаў тараўында реформаларды тереңлестириў бойынша қосымша илажлар ҳаққында”ғы қарарына муўапық, сондай-ақ, денсаўлықты сақлаў системасында әмелге асырылып атырған реформаларды тереңлестириў, жетекши сырт ел экспертлериниң қатнасыўында халыққа көрсетилип атырған медициналық хызметлердиң сапасын халықаралық стандартлар дәрежесине алып шығыў ҳәм тараўда нәтийжелиликти ҳәм ашық-айдынлықты тәмийинлеў мақсетинде Түркияның “SAGLIK GROUP” ЖШЖ консалтинг компаниясынан бир топар қәнигелер келгенлиги ҳаққында хабар берилген еди.

Египеттен Өзбекстанға С гепатитине қарсы дәри-дәрмақларды жеткерип бериў қайта жолға қойылды

Семизлик медициналық мәденият арқалы саламат турмысқа қайтыў мүмкин