Жаслар ислери агентлиги баспасөз хызметиниң мәлим етиўинше, жойбар шет тиллери бойынша С1 дәрежесиндеги миллий сертификат ямаса оған теңлестирилген халықаралық сертификатқа (көби менен еки жыл алдын алынған) ийе болған жасларға мөлшерленген.

Шет тиллерин оқытыўға қәнигелестирилген оқыў орайларын ашыўды режелестирип атырған алыс ҳәм аўыллық жерлердеги жасларға айрықша итибар қаратылмақта.

Жойбар шеңберинде 3 жыл мүддетке 130 млн сумға шекем процентсиз кредит берилип, оның дәслепки 6 айында жеңиллетилген дәўир нәзерде тутылмақта.

Бағдарламада қатнасыў ушын силтеме арқалы онлайн сораўнама толтырыў керек.