Бул абырайлы илаж дүнья туризм индустриясындағы ең әҳмийетли ўақыялардан бири болып, онда жүзлеген мәмлекет ҳәм компаниялар өзиниң туризм потенциалын көрсетеди.
Өзбекстан миллий стенди көргизбедеги ең көзге көринетуғын стендлерден бирине айланды. Заманагөй дизайн ҳәм интерактив технологиялардан пайдаланыў арқалы мийманлар елимиздиң бай мәдений мийрасы, гастрономиясы, өнерментшилик дәстүрлери ҳәм жаңа туристлик бағдарлары менен жақыннан танысыў имканиятына ийе болды.
Шөлкемлестириўшилер тәрепинен Өзбекстан миллий стенди "Ең инновациялық стенд" номинациясы бойынша жеңимпаз деп табылды. Бул сыйлық Өзбекстанның туризм тараўын алдынғы мәлимлеме технологиялары менен үнлес раўажландырыўға қаратылып атырған итибардың әмелий нәтийжелериниң тән алыныўы болды.
Сондай-ақ, ярмарка шеңберинде Польша ҳәм басқа да Европа мәмлекетлериниң туроператорлары менен ушырасыўлар өткерилип, еки тәреплеме бирге ислесиўди раўажландырыў бойынша сөйлесиўлер алып барылды.
«TT Warsaw» ярмаркасында Өзбекстанға берилген жоқары баҳа мәмлекетимиздиң дүнья туризм базарындағы абырайы артып баратырғанынан дәрек береди.
