Президент пәрманына муўапық, Өзбекстанда 2030-жылға шекем бақланбайтуғын экономиканың үлесин 1,3 есеге қысқартыў, халықтың саўда ҳәм хызметлер тараўындағы нақ пулсыз төлемлерин 75 процентке, рәсмий бәнт болғанлардың үлесин 64 процентке жеткериў режелестирилген.
Және бир мақсет - экономикалық еркинлик ҳәм коррупцияны қабыл етиў бойынша халықаралық рейтинглерде кеминде 30-орынға көтерилиў.
Қатаң қураллар - мәжбүрий нақ пулсыз есап-санақлар, бирден-бир QR-код арқалы қадағалаў ҳәм салық ҳәкимшилигин күшейтиў таңланған.
нақ пулсыз төлеў
2026-жыл 1-апрельден төмендегилер ушын нақ пулда төлеў мүмкин болмайды:
- мәмлекетлик уйымлар тәрепинен көрсетилетуғын хызметлер;
- электр энергиясы, тәбийғый газ, ишимлик суўынан пайдаланыў (банк кассалары арқалы төлемлерден тысқары);
- алкоголь ҳәм темеки өнимлери;
- жанылғы қуйыў шақапшаларында халыққа нефть өнимлерин сатыў хызметлери ҳәм электромобиллерди зарядлаў хызметлери;
- баҳасы 25 млн сумнан жоқары болған товарлар ҳәм хызметлер. (аўыл хожалығы өнимлеринен тысқары);
- көшпес мүлкти, ислеп шығарылғанына 10 жыл болмаған «M», «N», «O» ҳәм «G» категориясындағы автотранспорт қуралларын, сондай-ақ, арнаўлы автотранспорт қуралларын сатыў ҳәм сатып алыў. Банклер ҳәм нотариуслардың мәлимлеме системалары мағлыўматларды автоматикалық түрде алмасады - системада төлемди тастыйықламаса, нотариус келисимди рәсмийлестирмейди.
Бул дизимдеги товарлар ҳәм хызметлер бойынша төлемлерди тек ғана банк карталары ямаса электрон төлем системалары арқалы әмелге асырыў мүмкин болады, деп жазады «Norma».
