Ушырасыўда Тәжикстан Республикасы Өзбекстан Республикасының ең жақын қоңсысы ҳәм стратегиялық шериги екени атап өтилди.
Мәмлекет басшылары арасындағы исенимли қатнасықлар еллеримиздиң стратегиялық шериклигин избе-из раўажландырыў ушын беккем тийкар болып хызмет етип атырғаны атап өтилди.
Сөйлесиўде Орайлық Азия мәмлекетлери ҳәм Корея Республикасы парламентлери басшыларының үшинши мәжилисиниң әҳмийети ҳәм нәтийжелери бойынша пикир алысылды.
Өзбекстан Республикасы Олий Мажлиси Сенаты ҳәм Тәжикстан Республикасы Олий Мажлиси Миллий Мажлиси Мажлиси арасында бирге ислесиў ҳаққындағы келисимниң әҳмийети айрықша атап өтилди.
Парламентлердиң жоқары палаталары арасында бирге ислесиў бойынша комиссияның нәтийжели жумыс алып барып атырғаны атап өтилди.
Сенат Баслығы Тәжикстан тәрепин 13-14-октябрь күнлери Душанбе қаласында болып өткен ҒМДА Парламентлераралық ассамблеясының жалпы мәжилиси табыслы өткерилгени менен қутлықлады.
Сапар шеңберинде Өзбекстан парламент делегациясы Тәжикстан Республикасы Президенти қабыллаўында болғаны, бул еки мәмлекет арасындағы исеним ҳәм конструктивлик бирге ислесиўдиң жоқары дәрежесинен дәрек екени қанаатланыўшылық пенен атап өтилди.
Ҳаял-қызлардың жәмийетлик-сиясий турмыстағы қатнасын кеңейтиў мәселелерине де итибар қаратылды.
Ушырасыў жуўмағында еки мәмлекет арасында парламентлераралық бирге ислесиўди буннан былай да беккемлеў, аймақлараралық сөйлесиўди күшейтиў, дослық топарларының жумысын кеңейтиў, нызамшылық бойынша тәжирийбе алмасыў, саўда-экономикалық, мәдений-гуманитарлық ҳәм экологиялық тараўлардағы бирге ислесиўди жеделлестириўге келисип алынды.
