21-январь, шийшенби күни республиканың үлкен бөлиминде жаўын жаўады, арқада қарға айланады. Айырым таў алды ҳәм таўлы аймақларда күшли жаўын-шашын болыўы мүмкин. Тек ғана Ферғана ойпатлығы аймақларында жаўын-шашын итималы төмен. Ҳаўаның температурасы түнде 0-5 дәреже жыллы, күндиз 5-10 дәреже жыллы болады.
Сәршемби күни мәмлекет аймағына Волга бойынан ығаллы ҳәм суўық ҳаўа массалары кирип келиўи, Өзбекстан бойлап жаўын-шашын (жаўын қарға айланады) болыўы күтилмекте, Қарақалпақстан Республикасы, Хорезм ўәлаятында жаўын-шашын күтилмейди. Ҳаўаның температурасы түнде ҳәм күндиз 0-5 дәреже ыссыдан артпайды.
Пийшемби күниниң биринши ярымында республиканың тек ғана орайлық ҳәм шығыс аймақларында қар жаўыўы күтилмекте. Ҳаўаның температурасы түнде 2-7 градус суўық, күндиз 2 градус суўықтан - 3 градусқа шекем жыллы, арқа аймақларда түнде 8-13 градус суўық, күндиз 0-5 градус суўыққа шекем төменлеўи күтилмекте.
Жума күни Өзбекстанда жаўын-шашын күтилмейди, ҳаўа температурасы түнде 2-7 градус суўықтан артпайды, күндиз 2-7 градус ыссыға шекем, арқада түнде 8-13 градус суўық, күндиз 2 градус суўық - 3 градус ыссы болады.
Ҳәпте даўамында республика бойлап думан түсиўи мүмкин. Самал шығыстан батысқа өзгерип турып, 7-12 метр/секунд тезликте еседи, 21-23-январь күнлери айырым жерлерде 13-18 метр/секундқа шекем күшейеди. 21-22-январь күнлери 20-23 метр/секундқа шекем күшейиўи мүмкин.
Ташкентте 20-январь күни жаўын-шашын күтилмейди, ҳаўа температурасы 10-12 дәрежеге шекем ыссы болады. 21-январь, шийшемби күни ўақты-ўақты жаўын жаўады, түнде ҳәм азанда думан түсиўи мүмкин, ҳаўа температурасы түнде 2-4 дәреже жыллы, күндиз 8-10 дәреже жыллы болады. Сәршемби күни жаўын жаўыўы, қарға айланыўы күтилмекте, түнде ҳәм азанда думан түсиўи мүмкин. Шемби күни түнде ҳәм азанда қар жаўыўы мүмкин. Ҳаўаның температурасы түнде 4-6 градус суўық, күндизги ўақытлары 1 градус суўық - 1 градус жыллы болады.
