Ушырасыў алдынан министр мәмлекетимиз басшысына БАӘ Президенти Шайх Муҳаммад Ол Наҳаян ҳәм БАӘ Вице-президенти, Бас министри, Дубай Әмири Шайх Муҳаммад Ол Мактумның сәлеми ҳәм ең жақсы тилеклерин жеткерди.
Өзбекстан менен БАӘ арасындағы дослық ҳәм стратегиялық шериклик қатнасықларын және де беккемлеў, усы жылдың январь айында БАӘға әмелге асырылған жоқары дәрежедеги сапарда ерисилген келисимлерди әмелге асырыў мәселелери көрип шығылды.
Кейинги жыллары БАӘ ҳүкимети менен 300 ден аслам баслама әмелге асырылғаны үлкен қанаатланыўшылық пенен атап өтилди.
40 тан аслам бағдарда, соның ишинде, "Ҳүкимет акселераторы", "Бир миллион программист", "Жас жетекшилер" сыяқлы әҳмийетли бағдарламалар шеңберинде әмелге асырылмақта.
Мәмлекетлик басқарыў нәтийжелилигин арттырыў тараўында өз-ара пайдалы бирге ислесиў бойынша қабыл етилип атырған жаңа бес жыллық бағдарламаның толық көлемде әмелге асырылыўын тәмийинлеў зәрүрлиги атап өтилди.
Бирлескен Араб Әмирликлериниң бюрократияны азайтыў бағдарындағы алдынғы тәжирийбесин енгизиў, 5 миллион жасалма интеллект инженерлерин оқытыў, сондай-ақ, "Жас әўлад" ҳәм "Китап челенджи" жойбарларын алға қойыў бойынша биргеликтеги режелерге айрықша итибар қаратылды.
Болажақ жоқары дәрежедеги илажларға пуқта таярлық көриў бойынша да келисимге ерисилди.
Ушырасыў соңында Президент Шавкат Мирзиёев ҳәм министр Муҳаммад ал-Гаргавий Өзбекстан - БАӘ қатнасықлары тарийхына бағышланған көргизбе менен танысты.
