Мәмлекетимиз басшысы Тәжикстан Президентиниң мәмлекет ғәрезсизлигин беккемлеў, турақлы раўажланыўын тәмийинлеў ҳәм халықаралық абырайын арттырыўдағы орнын атап өтип, Өзбекстан менен Тәжикстан арасында дослық, жақсы қоңсышылық ҳәм аўқамласлық қатнасықларын беккемлеўге қосқан жеке үлесин айрықша атап өтти.
Жоқары дәрежедеги келисимлерди әмелге асырыў шеңберинде көп қырлы шерикликти буннан былай да кеңейтиўдиң әҳмийетли мәселелери көрип шығылды.
Саўда, санаат кооперациясы, транспорт, энергетика, аўыл хожалығы, туризм, мәдений-гуманитарлық алмасыў сыяқлы тийкарғы бағдарларды қамтып алған әмелий бирге ислесиўдиң жаңа күн тәртибин қәлиплестириў бойынша биргеликтеги жумысларды даўам еттириўге айрықша итибар қаратылды.
Мәмлекетлеримизде өткерилиўи режелестирилген жоқары дәрежедеги еки ҳәм көп тәреплеме илажлардың режеси ҳәм күн тәртиби де додаланды.
