Ушырасыў алдында жоқары мәртебели мийман мәмлекетимиз басшысына Түркия Президенти Режеп Таййип Эрдоғанның сәлеми ҳәм қызғын тилеклерин жеткерди.
Өзбекстан менен Түркия арасындағы кең көлемли стратегиялық шериклик қатнасықларын, бәринен бурын, саўда-экономикалық ҳәм инвестициялық тараўларда және де кеңейтиў ҳәм беккемлеў мәселелери көрип шығылды.
Ҳәр қыйлы дәрежелерде жедел сөйлесиў ҳәм алмасыўлар даўам етип атырғаны үлкен қанаатланыўшылық пенен атап өтилди. Өз-ара саўда ҳәм инвестициялар көлеми, биргеликтеги кәрханалар саны, авиақатнаўлар көбеймекте.
Ташкент қаласында өткен Ҳүкиметлераралық комиссияның гезектеги мәжилиси, бизнес сөйлесиўи ҳәм көргизбениң табыслы нәтийжелери жоқары баҳаланды.
Товар алмасыўды, соның ишинде, Жеңиллетилген саўда ҳаққындағы келисим шеңберинде товарлар номенклатурасын кеңейтиў арқалы және де көбейтиў бойынша өз-ара муўапықласқан илажлар көриў әҳмийетли екени атап өтилди.
Инновациялар, энергетика, санаат, фармацевтика, тоқымашылық, туризм, билимлендириў ҳәм басқа да тараўларда биргеликтеги жойбарларды әмелге асырыў, кооперациялық жойбарлардың жаңа портфели ҳәм мәдений-гуманитарлық алмасыў бағдарламасын қәлиплестириў зәрүр екенлиги атап өтилди.
Жоқары дәрежедеги Стратегиялық бирге ислесиў кеңесиниң гезектеги мәжилиси күн тәртибин таярлаўға айрықша итибар қаратылды.
