Өзбекстан жетекшиси Венгрия Бас министри Виктор Орбанның мирәт етиўине бола 19-май күни Будапештке келеди.
Жоқары дәрежедеги сөйлесиўлер, Венгрия рәсмийлери ҳәм жетекши компанияларының басшылары менен ушырасыўлар болып өтеди.
Күн тәртибинен еки мәмлекет арасындағы әмелий бирге ислесиў ҳәм стратегиялық шериклик қатнасықларын және де кеңейтиў мәселелери орын алған.
Мәмлекетимиз басшысы 21-май күни Венгрия пайтахтында Түркий мәмлекетлер шөлкеминиң рәсмий емес саммитинде қатнасады.
Президент Шавкат Мирзиёев 22-май күни Любляна қаласында Словения Президенти Наташа Пирц Мусар менен ушырасады, усы мәмлекет парламенти ҳәм ҳүкимети басшылары менен сөйлесиўлер өткереди, биргеликтеги исбилерменлик илажларында қатнасады.
Өз-ара пайдалы саўда-экономикалық бирге ислесиўди раўажландырыў, фармацевтика, санаат, азық-аўқат ҳәм тоқымашылық тармақларында кооперация жойбарларын әмелге асырыў, мийнет миграциясы тараўында бирге ислесиў ҳәм гуманитар байланысларды кеңейтиў мәселелери көрип шығылады.
