Бул ҳаққында "Дунё" МА хабар бермекте.
Еки мәмлекет ҳүкиметлери атынан ҳүжжетке Өзбекстанның БМШтағы турақлы ўәкили Улуғбек Лапасов ҳәм Кот-д‘Ивуардың БМШтағы турақлы ўәкили Тиемоко Морико қол қойды.
Тәреплер халықаралық шөлкемлер, соның ишинде, БМШ ҳәм оның қәнигелескен мәкемелери шеңберинде биргеликтеги бирге ислесиўди беккемлеўге таяр екенин билдирди.
Сиясий, саўда-экономикалық ҳәм мәдений-гуманитарлық тараўларда бирге ислесиўдиң өз-ара пайдалы бағдарларын табыў ушын еки тәреплеме байланысларды жеделлестириў бойынша келисимге ерисилди.
Усы тәризде, Батыс Африкада жайласқан Кот-д‘Ивуар Өзбекстан менен дипломатиялық қатнасықлар орнатқан 160-мәмлекетке айланды.
Бул ҳүжжеттиң қол қойылыўы Өзбекстанның Африка континенти мәмлекетлери менен өз-ара бирге ислесиўин жеделлестириўде әҳмийетли қәдем болды.
Еслетип өтемиз, Өзбекстан менен дипломатиялық қатнасықлар орнатқан 159 мәмлекет Тыныш океанындағы атаў-мәмлекет, Жер жүзиндеги ең киши ғәрезсиз республика - Науру болып есапланады.
