Пакистан Бас министриниң усы жыл февраль айында Өзбекстанға тарийхый сапары даўамында ерисилген келисимлерди әмелге асырыў нәтийжелери додаланды.
Стратегиялық шериклик избе-из беккемленип атырғаны, түрли дәрежелердеги сөйлесиў ҳәм алмасыўлар жеделлескени қанаатланыўшылық пенен атап өтилди.
Өз-ара саўда ҳәм жүк тасыўлардың көлеми сезилерли артпақта, тиккелей авиақатнаўлар көбеймекте. Фармацевтика, аўыл хожалығы, тоқымашылық, логистика ҳәм басқа да бағдарларда жойбарлар әмелге асырылмақта. Лаҳор ҳәм Карачиде саўда үйлери шөлкемлестирилген.
Усы жылға режелестирилген Ҳүкиметлераралық комиссияның гезектеги мәжилиси ҳәм бизнес форумын нәтийжели өткериў әҳмийетли екенлиги атап өтилди.
Өзбекстан ҳәм Пакистан жетекшилери регионаллық күн тәртиби бойынша да пикир алысты, болажақ илажлар режесин көрип шықты.
