Өзбекстан Республикасы Президенти Шавкат Мирзиёев, Европа кеңеси Президенти Антониу Кошта ҳәм Европа комиссиясы Президенти Урсула фон дер Ляен жанында мәмлекетимизде Европа инвестиция банкиниң регионаллық офисин шөлкемлестириў ҳаққындағы келисимге қол қойылды.
1958-жылы шөлкемлестирилген Европа инвестиция банки Европа Аўқамының жетекши финанс институты болып есапланады.
Офистиң Ташкент қаласында ашылыўы өз-ара пайдалы бирге ислесиўди кеңейтиў, Өзбекстанда ҳәм улыўма Орайлық Азияда "жасыл" экономика, инновациялық санаат ҳәм заманагөй инфраструктураны раўажландырыўға тартылып атырған инвестициялар көлемин арттырыў имканиятын беретуғынын атап өтиў керек.
Өзбекстан Республикасы Президенти Шавкат Мирзиёев Иранның Бандар-Аббос қаласындағы Шаҳид-Ражоий порты аймағында жүз берген жарылыў ақыбетинде көплеген инсанлар қайтыс болғаны ҳәм аўыр жарақат алғаны, үлкен апатшылықлар көрилгени мүнәсибети менен Президент Масъуд Пезешкиёнға кеўил айтыў хатын жоллады.
Өзбекстан Республикасы Президенти Шавкат Мирзиёев Түркмен халқының миллий жетекшиси, Түркменстан Халық Мәсләҳәти Баслығы Гурбангули Бердимуҳамедов пенен бирге Самарқандтағы халықаралық туризм орайында шөлкемлестирилген "Заманлар ҳаўазы" көргизбесине барды.
Өзбекстан Республикасы Президенти Шавкат Мирзиёев ҳәм Түркмен халқының миллий жетекшиси, Түркменстан Халық Мәсләҳәтиниң Баслығы Гурбангули Бердимуҳамедов Самарқанд қаласындағы Конгресс орайының Ҳүрметли мийманлар қыябанында биргеликте емен терегин екти.
Еки тәреплеме сөйлесиўлердиң жуўмағында Түркмен халқының миллий жетекшиси, Түркменстан Халық Мәсләҳәти Баслығы Гурбангули Бердимуҳамедовқа Өзбекстан Республикасының жоқары мәмлекетлик сыйлығы - "Олий Даражали Дўстлик" орденин салтанатлы тапсырыў мәресими болып өтти.
24-апрель күни "Silk Road Samarkand" комплексиниң Конгресс орайында Өзбекстан Республикасы Президенти Шавкат Мирзиёев ҳәм Түркмен халқының миллий жетекшиси, Түркменстан Халық Мәсләҳәтиниң Баслығы Гурбангули Бердимуҳамедов тар шеңберде ҳәм рәсмий делегациялардың қатнасыўында сөйлесиў өткерди.
Өзбекстан Республикасы Президенти Шавкат Мирзиёев ҳәм Түркмен халқының миллий жетекшиси, Түркменстан Халық Мәсләҳәти Баслығы Гурбангули Бердимуҳамедов биргеликте "Silk Road Samarkand" халықаралық туризм орайындағы "Мәңги қала" тарийхый-этнографиялық паркиниң аймағында шөлкемлестирилген мәдений илажларда қатнасты.
