Атап өтилиўинше, Нөкис қаласындағы Президент мектебиниң 11-класс оқыўшысы Айдос Китайбеков АҚШтың абырайлы Браун университетине (бул университет “Pechak ligasi”на кириўши университет есапланады) 396 000 АҚШ доллары муғдарындағы толық грант тийкарында оқыўға қабыл етилди.
Мағлыўмат ушын, Браун университети 1764-жылы шөлкемлестирилген. “Times Higher Education” халықаралық рейтингинде бул университет турақлы түрде жоқары орынларды иелеп келмекте. Ҳәзирги ўақытта бул университет дүня көлеминде 58-орында турады.
Енди ол усы университетте "Қоршаған орталық инженерлиги ҳәм компьютер илимлери" бағдары бойынша билим алады. Айдос усы күнге шекем IELTSтан 8, SATтан 1550 баллды қолға киргизген. Қалаберди, АС-Левел бойынша үш мәрте А сертификатына да ийе.
Еслетип өтемиз, Айдос Арал теңизи машқалаларын шешиў бойынша өзиниң басламалары менен 2024-жылы Шығыс Европа ҳәм Орайлық Азия ушын БМШРБ регионаллық бюросы тәрепинен шөлкемлестирилген II Халықаралық оқыўшылар фестивалында белсене қатнасқан.
