Жоқары дәрежедеги сөйлесиўлердиң күн тәртибинен Өзбекстан - Түркменстан стратегиялық шериклик қатнасықларын буннан былай да раўажландырыў ҳәм беккемлеў, көп қырлы бирге ислесиўди, бәринен бурын, сиясий, саўда-экономикалық, транспорт, суў-энергетика ҳәм мәдений-гуманитарлық тараўларда кеңейтиў мәселелери орын алған.
Сапар етиў шеңберинде мәмлекет басшылары "Шават-Дашогуз" шегараалды саўда зонасын иске қосыў мәресиминде қатнасады.
Өзбекстан ҳәм Түркменстан жетекшилери халықаралық ҳәм регионаллық әҳмийетке ийе мәселелер бойынша пикир алысады.
Саммит жуўмағында Биргеликтеги билдириўди қабыл етиў ҳәм еки тәреплеме ҳүжжетлер топламына қол қойыў режелестирилген.
Түркменстан Президенти Орайлық Азия мәмлекетлери басшыларының жетинши Мәсләҳәт ушырасыўында да қатнасады.
