Мәмлекетимиз басшысы Түркий мәмлекетлер шөлкеминиң Габала қаласында болып өтетуғын гезектеги саммитинде қатнасады.

"Регионаллық тынышлық ҳәм қәўипсизлик" темасында өткерилетуғын мәжилис күн тәртибинен шөлкем шеңбериндеги көп тәреплеме бирге ислесиўди буннан былай да раўажландырыў ҳәм кеңейтиўдиң әҳмийетли мәселелери орын алған.

Сиясат, саўда-экономика, инновация, инвестиция, энергетика, транспорт-коммуникация, гуманитар ҳәм басқа да тийкарғы тараўлардағы әмелий бирге ислесиў перспективалары көрип шығылады.

Делегациялардың басшылары халықаралық сиясаттың әҳмийетли тәреплери бойынша да пикир алысады.

Саммит жуўмағында шөлкемге ағза мәмлекетлер арасындағы өз-ара пайдалы бирге ислесиўди буннан былай да кеңейтиўге қаратылған бир қатар қоспа қарар ҳәм ҳүжжетлердиң қабыл етилиўи режелестирилген.