Ҳүжжет пенен халық жасаўы ҳәм исбилерменлик жумысын әмелге асырыўы ушын үлгили аймақларға айландырылып, оларға "Жаңа Өзбекстан көринисиндеги район (қала) " статусы берилетуғын районлар (қалалар) дизими тастыйықланды.
"Жаңа Өзбекстан көринисиндеги район (қала) " жойбары шеңберинде ҳәр жылы:
жоқары қосымша қунлы өнимлер ислеп шығарыўды жолға қойыў, санаат кооперациясын тереңлестириў ҳәм бар шийки зат резервлеринен толық пайдаланған ҳалда санаат зоналарының қуўатлылықларын кеңейтиў есабынан санааттың ҳәзирги өсиў пәтинен кеминде 2-3 процентке өсиўи тәмийинленеди;
азық-аўқат, мебель, қурылыс материалларын ислеп шығарыў, тигиўшилик ҳәм басқа да қәнигелескен бағдарларда кеминде 50 миллион АҚШ доллары эквиваленти муғдарында инвестицияларды тартқан ҳалда кеминде 10 нан ири инвестициялық жойбар иске қосылады;
алдын өз өнимлери менен сыртқы базарларға шықпаған кеминде 3-5 кәрхана экспорт жумысына тартылады;
сырт мәмлекетлерден технолог, маркетолог, бренд-менеджер сыяқлы қәнигелерди тартқан ҳалда кеминде бир кәрханада миллий бренд өнимлерин ислеп шығарыў жолға қойылады;
сырт мәмлекетлерде өткерилетуғын қәнигелестирилген санаат көргизбелерине 10 исбилермен тәжирийбе алмасыў ушын жибериледи.
"Жасыл" ҳәм энергияны үнемлейтуғын аймақларды раўажландырыў.
"Жаңа Өзбекстан көринисиндеги район (қала) " статусы берилген район (қала) ларда:
2026-жыл 1-январьдан баслап барлық мәмлекетлик уйымлар ҳәм социаллық тараў мәкемелериниң имаратлары тек ғана энергия нәтийжелилиги принциплери тийкарында қурылады ҳәм модернизацияланады;
2027-жыл 1-январьға шекем мәмлекетлик уйымлар, мәмлекет қатнасыўындағы кәрханалар ҳәм социаллық тараў мәкемелери энергия үнемлеўши үскенелер менен толық тәмийинленеди;
2026-жыл 1-марттан баслап "Энергия тутыныўы нолге тең имаратлар" концепциясы тийкарында ҳәр бир социаллық тараў мәкемесиниң 1 имаратын модернизациялаў бойынша тәжирийбе жойбарлары иске қосылады.
Қаржыландырыў дереклери
2026-жылы 7 триллион сумнан аслам қаржылар ажыратылады, соның ишинде:
"Жаңа Өзбекстан көринисиндеги район (қала) " статусы берилген ҳәр бир районды (қала) раўажландырыў ушын республикалық бюджеттен 100 млрд сумнан, жәми 2,3 трлн сум;
ҳәр бир мәҳәллени Жаңа Өзбекстан көринисинде раўажландырыў ушын республикалық бюджеттен 5 млрд сумнан, жәми 1,7 трлн сум;
Ислам раўажланыў банкиниң "Аўылларды турақлы раўажландырыў" ҳәм Жәҳән банкиниң "Орта қалаларды комплексли раўажландырыў" жойбарлары шеңберинде "Жаңа Өзбекстан көринисиндеги район (қала) " статусы берилген район (қала) ларды раўажландырыўға 100 миллион доллар қаратылады;
Аймақларда экономикалық өсиўге түртки беретуғын драйвер жойбарларды әмелге асырыў ушын республика бюджетинен 2 триллион сум ажыратылды.
Қарақалпақстан Республикасы Министрлер Кеңеси ҳәм ўәлаятлардың ҳәкимликлери "Реформалар штабы" менен биргеликте:
бир ай мүддетте Жаңа Өзбекстан көринисинде ҳәр бир район (қала) ҳәм ҳәр бир мәҳәллени комплексли раўажландырыў бойынша тастыйықланған бағдарламалар тийкарында "Раўажланыў ҳәм жетекшилик орны" бағдарламасын тастыйықласын;
2025-жыл 15-декабрьге шекем халық ҳәм исбилерменлердиң усыныс ҳәм жойбарлары тийкарында Жаңа Өзбекстан көринисиндеги мәҳәлле орайының мастер-режесин ислеп шықсын ҳәм тастыйықласын.
2026-жыл 1-февральға шекем Бағдарламаға киргизилген объектлердиң жойбар ҳүжжетлерин ислеп шықсын;
2026-жыл 1-марттан баслап тастыйықланған жойбарларға муўапық қурылыс жумысларын басласын;
2026-жыл 1-декабрьге шекем Бағдарламаға киргизилген объектлердиң иске қосылыўын тәмийинлесин.
Ҳүжжет Нызамшылық мағлыўматлары миллий базасында жәрияланған ҳәм 09.10.2025-жылдан күшке кирди, деп жазады «Norma».
