Корея Республикасының Гуми қаласында жеңил атлетика бойынша Азия чемпионаты старт алды.
Атап өтилиўинше, жарыстың биринши күнинде Өзбекстан сайланды командасының есабына дәслепки медаль жазылды.
Ҳаял-қызлар арасында үш атлап секириў бағдарламасында қатнасқан жерлесимиз Шарифа Давронова гүмис медальға ийе болды. Жерлесимиз жарыста 13,74 метр нәтийже көрсетиўге еристи.
Үш атлап секириў, Азия чемпионаты
Ли Йи (Қытай) - 13.80 метр
Шарифа Давронова (Өзбекстан) - 13.74
Марико Маримото (Япония) - 13.65
Бүгин пайтахтымызда жеңил атлетика бойынша «Silk Road to Tokyo» халықаралық турнирине старт берилди. Пүткил жер жүзилик жеңил атлетика федерациясының бронза дәрежесиндеги бул жарыста 15 мәмлекеттен 250 ге шамалас спортшы қатнаспақта.17-августта жуўмақланатуғын турнир келеси ай Токио қаласында болып өтетуғын жәҳән чемпионатына рейтинг очколарын усынады. Бағдарламаға бола, атлетлер 22 бағдар бойынша беллеседи. Атап айтқанда, Өзбекстан сайланды командасы ағзалары да тийкарғы қурамда медаллар ушын гүрес алып барады, деп хабар береди OlympicUz.
