Швейцарияның Лозанна қаласында жеңил атлетика дүньясындағы абырайлы турнирлерден бири "Бриллиант лига" жарысының гезектеги басқышы болып өтти.
Қуўанышлы тәрепи сонда қатнасқан жерлесимиз Анвар Анваров алтын медалды қолға киргизди.
Жерлесимиз жарыста 7.84 метр менен ең жоқары көрсеткишти көрсетти. Екинши орыннан мезбан спортшы Симон Эхаммер (7.72 метр) орын алған болса, ямайкалы 2019-жылғы жәҳән чемпионы Тежей Гейл (7.71) броньза медалы менен сыйлықланды.
Усы тәризде, Анвар Анваров Сафина Садуллаевадан кейин Бриллиант лига турнирлеринде жеңиске ерискен өзбекстанлы екинши атлет болды.
Бүгин пайтахтымызда жеңил атлетика бойынша «Silk Road to Tokyo» халықаралық турнирине старт берилди. Пүткил жер жүзилик жеңил атлетика федерациясының бронза дәрежесиндеги бул жарыста 15 мәмлекеттен 250 ге шамалас спортшы қатнаспақта.17-августта жуўмақланатуғын турнир келеси ай Токио қаласында болып өтетуғын жәҳән чемпионатына рейтинг очколарын усынады. Бағдарламаға бола, атлетлер 22 бағдар бойынша беллеседи. Атап айтқанда, Өзбекстан сайланды командасы ағзалары да тийкарғы қурамда медаллар ушын гүрес алып барады, деп хабар береди OlympicUz.
