Корея Республикасының Гуми қаласында өтип атырған жеңил атлетика бойынша Азия чемпионатында Өзбекстан сайланды командасы және бир медальға ийе болды.
Атап өтилиўинше, усы жылдың 28-май күни ҳаял-қызлар арасында өткерилген 400 метрге жуўырыў беллесиўинде жерлесимиз Жонбиби Ҳукмова қола медалын қолға киргизди.
Саралаў басқышларынан табыслы өткен жерлесимиз финалда 52.79 секундты көрсетип, үшинши болып финишке жетип келди. Атап өтиў орынлы, буның менен Ҳүкмова жеке рекордын да жаңалаўға еристи.
400 метр, Азия чемпионаты
Накано Матсумото (Япония) - 52.17
Рупал Рупал (Ҳиндстан) - 52.68
Жонбиби Ҳукмова (Өзбекстан) - 52.79
Бүгин пайтахтымызда жеңил атлетика бойынша «Silk Road to Tokyo» халықаралық турнирине старт берилди. Пүткил жер жүзилик жеңил атлетика федерациясының бронза дәрежесиндеги бул жарыста 15 мәмлекеттен 250 ге шамалас спортшы қатнаспақта.17-августта жуўмақланатуғын турнир келеси ай Токио қаласында болып өтетуғын жәҳән чемпионатына рейтинг очколарын усынады. Бағдарламаға бола, атлетлер 22 бағдар бойынша беллеседи. Атап айтқанда, Өзбекстан сайланды командасы ағзалары да тийкарғы қурамда медаллар ушын гүрес алып барады, деп хабар береди OlympicUz.
