Мәмлекетимиз басшысы сыйлықты тапсырып, Гурбангули Бердимуҳамедовтың туўысқан мәмлекетлеримиз арасындағы дәстүрий дослық, жақсы қоңсышылық ҳәм стратегиялық шериклик қатнасықларын беккемлеўдеги үлкен хызметлерин айрықша атап өтти.
- Туўысқан Түркменстанның барлық үлкен жетискенликлери, кең көлемли жаңаланыўлары ҳәм халықаралық майдандағы абырайының артыўы сизиң атыңыз бенен тығыз байланыслы, - деди Өзбекстан Президенти.
Түркменстанда экономиканың турақлы өсиўи тәмийинленбекте, халықтың абаданлығы избе-из артпақта. Президентимиз Түркмен халқының миллий жетекшиси тәрепинен алға қойылып атырған глобал қәўипсизлик ҳәм турақлы раўажланыўды тәмийинлеў жолындағы халықаралық басламаларды айрықша атап өтти.
Усы мүнәсибет пенен Гурбангули Бердимуҳамедовтың 2025-жылды "Тынышлық ҳәм исеним жылы" деп жәриялаў ҳаққындағы усынысы халықаралық көлемде кеңнен қоллап-қуўатланғаны атап өтилди.
Түркменстан жетекшисиниң жеке ис-ҳәрекетлери себепли Өзбекстан-Түркменстан қатнасықлары бүгинги күнде жоқары дәрежеге шыққаны, ҳақыйқатында да үлгили түс алғаны атап өтилди.
- Жеке сизиң жәрдемиңиз бенен 2017-жылы мәмлекетлеримиз стратегиялық шериклигиниң беккем тийкары жаратылды, - деди Шавкат Мирзиёев.
Еллеримиз парламентлери, ҳүкиметлери, аймақлары, исбилерменлери, жәмийетшилиги, зыялылары ҳәм жаслары арасында жедел сөйлесиўлер, саўда-экономикалық бирге ислесиў бойынша бағдарлама ҳәм жойбарлардың әмелге асырылып атырғаны қанаатланыўшылық пенен атап өтилди. Мәселен, кейинги жыллары товар алмасыў бир неше есеге көбейип, 1 миллиард доллардан артты.
Мәдений-гуманитарлық бирге ислесиў жоқары итибарға ылайық. Мәселен, өткен жылы Ашхабад ҳәм Ташкентте Мақтымқулының шығармаларының өзбек тилиндеги топламы таныстырылды, сондай-ақ, Ашхабад халықаралық кинофестивалында өзбек-түркмен көркем фильминиң премьерасы болып өтти.
Гурбангули Бердимуҳамедовқа Өзбекстан Республикасының жоқары сыйлығының тапсырылыўы көп миллетли халқымыздың белгили мәмлекетлик ғайраткер, бүгинги Түркменстанның миллий жетекшиси ҳәм архитекторы сыпатында оған болған қызғын ҳүрмет-иззетиниң көриниси болғаны атап өтилди.
Гурбангули Бердимуҳамедовқа Өзбекстан Республикасының жоқары сыйлығының тапсырылыўы көп миллетли халқымыздың белгили мәмлекетлик ғайраткер, бүгинги Түркменстанның миллий жетекшиси ҳәм архитекторы сыпатында оған болған қызғын ҳүрмет-иззетиниң көриниси болғаны атап өтилди.
