Реже 2023/2024 ҳәм 2024/2025-оқыў жылларында ТМЮУ жанындағы академиялық лицейлерге қабыл етилген оқыўшыларға қолланылады.
Питкериўшилер 20-июньға шекем жоқары билимлендириў шөлкемлериниң бакалавриатына сәўбет тийкарында тест сынақларысыз оқыўға кириў ушын усыныс бериўди сорап арнаўлы комиссияға арза береди.
Арзаға төмендеги ҳүжжетлер қосымша етиледи:
питкериўшиниң шет тилин билиў дәрежесин белгилеўши миллий ямаса халықаралық сертификат;
питкериўшиниң жеке жетискенликлери, академиялық лицейдиң жәмийетлик турмысында белсене қатнасқанлығын тастыйықлаўшы ҳүжжетлер.
Усыныс етилген питкериўшилерге жоқары билимлендириў шөлкемлериниң бакалавриатына сәўбет тийкарында тест сынақларысыз оқыўға кириў ҳуқықы дәслепки 2 жыл ушын әмел етеди.
Ҳәр жылы 1-июльға шекем сәўбет комиссиясы шөлкемлестириледи.
Жеке тәртиптеги сәўбет нәтийжелери 100 баллық системада баллар қойыў жолы менен баҳаланады.
Абитуриент төмендеги жағдайларда оқыўға қабыл етилмейди:
жеке тәртиптеги сәўбет өткериў кестесине муўапық сәўбетке келмегенде;
жеке тәртиптеги сәўбетте белгиленген максимал баллдың 56 процентинен аз балл топланғанда.
Ҳәр жылы 10-августқа шекем жоқары билимлендириў шөлкемлери ректорларының абитуриентлерди бакалавриатқа оқыўға усыныс етиў ҳаққындағы буйрықлары қабыл етиледи.
