Усы жылдың 4-февраль күни Ташкент метрополитени вагон паркине және 3 жаңа заманагөй метро поездлары алып келинди.
"Ташкент метрополитени" МУКтың мәлим етиўинше, бул ҳәрекетлениў қурамлары белгиленген инструкцияға тийкарланып, 7-10 күн даўамында техникалық сынақтан өткерилип, соңынан хызмет көрсетиў ушын жөнелислерге шығарылады.
Сондай-ақ, усы жылдың февраль айы даўамында және усы түрдеги 3 метро поездының алып келиниўи режелестирилгенин атап өтиў керек.
Республикалық Руўхыйлық ҳәм ағартыўшылық орайы, "ТуранБанк" АКБ, Өзбекстан Республикасы Транспорт министрлиги ҳәм Ташкент метрополитениниң биргеликтеги жойбары шеңберинде метроның "Алишер Наўайы" ҳәм "Пахтакор" бәндиргилериндеги өтиў орынларында китап текшелери орнатылды.
"Жаңа Ташкент" қаласын қурыў дирекциясы баспасөз хызметиниң хабар бериўинше, жаңа Ташкент қаласындағы биринши метро жөнелиси 2026-жылдың ақырына шекем қурып питкериледи.
