Ташкент - Хожакент - Ташкент қаласы әтирапы жөнелисинде жаңа тезжүрер электропоезд иске қосылды. Бул электропоезд бул жөнелисте ҳәр бир тәрепке күнине үш қатнаўды әмелге асырады.
Жаңа электропоезд алты вагоннан ибарат болып, олардың улыўма сыйымлылығы 1184 жолаўшыға мөлшерленген. Бул көрсеткиш алдынғы поездларға қарағанда шама менен 1,5 есеге жоқары.
Поездтың максимал тезлиги саатына 120 километрге шекем жетеди, Ташкенттен Хожакентке болған жол болса 1 саат 15 минутта басып өтиледи.
Үлкенлер ушын жол ҳақысы 20 000 сумды, балалар ушын болса 11 500 сумды қурайды. Төлемди АТТО транспорт картасы жәрдеминде ямаса билетлерди онлайн сатып алыў арқалы әмелге асырыў мүмкин.
