Өзбекстан миллий стенди көргизбе мийманларын мәмлекетимиздиң бай мәдений мийрасы, экотуризм ҳәм зыярат етиў бағдарларының имканиятлары, сондай-ақ, мийманхана ҳәм туризм инфраструктурасын раўажландырыў бойынша заманагөй жойбарлар менен таныстырмақта.

Илаж шеңберинде Франция ҳәм Европаның жетекши туроператорлары, инвесторлар ҳәм ҒХҚ ўәкиллери менен В2В форматында исбилерменлик ушырасыўлары өткерилиўи режелестирилген.

Франция ҳәм Европа туристлик базарларында "Өзбекстан" брендин алға қойыў, биргеликтеги жөнелислерди раўажландырыў ҳәм туристлер ағымын көбейтиўге айрықша итибар қаратылмақта.