Түркияның Өзбекстандағы жаңадан тайынланған елшиси Уфук Улуташ Өзбекстан СИМ министри Бахтиёр Саидовқа исеним жарлықларының нусқаларын тапсырды.
Бул ҳаққында Бахтиёр Саидов өзиниң Телеграмдағы рәсмий бетинде мәлим етти.
Өзбекстан ҳәм Түркия тек ғана еки тәреплеме шериклик дәрежесинде емес, ал регионаллық бирге ислесиўди кеңейтиўде де белсене даўам етпекте. Биргеликтеги ҳәрекетлер ҳәр еки мәмлекеттиң раўажланыўына хызмет етеди.
Сыртқы ислер министри Елши Уфук Улуташты усы лаўазымға тайынланғаны менен қызғын қутлықлады ҳәм дипломатиялық миссиясында табыслар тиледи.
Өзбекстанның Бахрейнге жаңадан тайынланған Айрықша ҳәм толық ҳуқықлы елшиси (резиденциясы Ар-Рияд қаласында) Нодиржон Турғунов усы мәмлекет сыртқы ислер министри Абдулатиф бин Рошид аз-Заянийге исеним жарлықларының нусқаларын онлайн тәризде тапсырды.
Өзбекстанның Босния ҳәм Герцеговинаға тайынланған биринши Айрықша ҳәм толық ҳуқықлы елшиси Бахтиёр Ибрагимов усы мәмлекет Президиумы баслығы Желька Цвияновичке исеним жарлығын тапсырды.
