Реже Мектепке шекемги ҳәм мектеп билимлендириўи министрлиги жанындағы Қәнигелестирилген билимлендириў мәкемелери агентлиги системасындағы дөретиўшилик мектеплериниң ҳуқықый статусын, оларды шөлкемлестириў ҳәм жумысын қадағалаў тәртибин белгилейди.
Режеге муўапық, дөретиўшилик мектеплеринде тәлим-тәрбия процеси 7-11-классларда әмелге асырылады.
Бир класстағы оқыўшылар санының 20 дан аспаўына жол қойылмайды.
Оқыў ҳәптесиниң даўамлылығы 5 күн. Соның менен бирге, дөретиўшилик мектеби Педагогикалық кеңесиниң қарары тийкарында 6 күнлик оқыў ҳәптесине өтиў мүмкин.
Дөретиўшилик мектеплери питкериўшилерине мәмлекетлик үлгидеги мағлыўматнама бериледи.
Агентлик тәрепинен тастыйықланған оқыў режесиндеги пәнлер бойынша жыллық сумматив баҳалаўдан табыслы өткен оқыўшылар дөретиўшилик мектеби директорының буйрығы менен кейинги классқа өткериледи.
