Сапар шеңберинде Әзербайжан Экономика министрлиги,
жетекши компаниялардың басшылары менен сөйлесиўлер өткерилди. Биргеликтеги
илажларға таярлық көриў, еки тәреплеме басламаларды әмелге асырыў, жаңа
өндирислик цикллерди иске қосыў ҳәм халықаралық урбанизация форумында қатнасыў
мәселелери додаланды.
Тәреплер бирге ислесиўдиң тийкарғы бағдарларын, соның
ишинде, таў-кән санааты, қурылыс материалларын ислеп шығарыў, транспорт ҳәм
логистика, қала қурылысы, агросанаат комплекси ҳәм фармацевтика тараўларын
келисип алды.
Бакуде "Өзбекстан" ҳәм Ташкентте
"Әзербайжан" бағларын шөлкемлестириў, дәриханалар тармағын
раўажландырыў ҳәм мийўе-овошларды қайта ислеў жойбарларын әмелге асырыў
мәселелерине айрықша итибар қаратылды.
2025-жылдың жуўмақларына бола, Өзбекстан - Әзербайжан
товар алмасыў көлеми 307,3 миллион АҚШ долларын қурап, 14,6 процентке өсти.
