Зорлық-зомбылықты тез пурсатта сапластырыў, гуманитарлық кризисти жеңиллетиў ҳәм сиясий сөйлесиўди қайта тиклеў ушын тийкар жаратып атырған бул әҳмийетли процессте салмақлы рол атқарған Египет, Қатар ҳәм Түркияның муўапықласқан жумысын жоқары қәдирлеймиз.
Өзбекстан бәрқулла халықаралық ҳуқық нормалары ҳәм БМШ Қәўипсизлик Кеңесиниң резолюцияларына тийкарланған Жақын Шығыста беккем ҳәм әдалатлы тынышлық тәрепдары болып есапланады.
Оқ атыўды тоқтатыў ўақтыншалық илаж емес, ал тәреплер арасында қәўипсизлик, турақлы бирге жасаў ҳәм исенимди тиклеўди кепиллейтуғын узақ мүддетли сиясий келисимге қарай қәдем болыўы керек екенлигине исеним билдирилди.
Өзбекстан Республикасы Жақын Шығыс регионында тынышлық, турақлылық ҳәм гуманитарлық жеңилликлерге ерисиўге қаратылған халықаралық ҳәрекетлерге буннан былай да конструктивлик жәрдем көрсетиўге таяр екенин тастыйықлайды", делинеди Өзбекстан Республикасы Сыртқы ислер министрлигиниң билдириўинде.
