Социаллық тармақларда "Өзбекстан бойлап көплеген орынларда саат 17:00 ден 21:00 ге шекем свет өшириледи" атамасында хабарлар тарқалмақта. Энергетика министрлигиниң мәлим етиўинше, бул мағлыўматлар ҳақыйқатқа туўра келмейди ҳәм бет ийелери тәрепинен тек ғана итибар қаратыў мақсетинде тарқатылмақта.
Буннан алдын Энергетика министрлиги зәрүр жағдайларда айырым аймақларда электр тәмийнатында қысқа мүддетли үзилислер болыўы мүмкин екенин мәлим еткен еди. Бундай жағдайлар бойынша халық алдыннан рәсмий түрде хабардар етиледи.
Усы мүнәсибет пенен социаллық тармақ администраторларына тастыйықланбаған ҳәм дурыс емес мағлыўматларды жәрияламаў усыныс етиледи.
Министрлик жалған мағлыўмат тарқатқаны ушын әмелдеги нызамшылыққа муўапық жуўапкершилик бар екенлигин ескертеди.
Социаллық тармақларда "Өзбекстан бойлап көплеген орынларда саат 17:00 ден 21:00 ге шекем свет өшириледи" атамасында хабарлар тарқалмақта. Энергетика министрлигиниң мәлим етиўинше, бул мағлыўматлар ҳақыйқатқа туўра келмейди ҳәм бет ийелери тәрепинен тек ғана итибар қаратыў мақсетинде тарқатылмақта.
8-декабрь саат 17:00 жағдайына бола, 2025-жылы Өзбекстанда қуяш ҳәм самал электр станциялары тәрепинен ислеп шығарылған электр энергиясы көлеми 10 млрд кВт саатқа жетти. Бул көрсеткиш миллий энергетика системасында "жасыл" энергетиканың үлеси жеделлик пенен өсип атырғанын көрсетеди.
2025-жылдың 1-декабрь жағдайына бола, Өзбекстан аймағындағы 141 221 обектте улыўма қуўатлылығы 1 971 МВт болған қуяш панеллери орнатылған. Елимиздиң барлық аймақларында қайта тиклениўши энергия дәреклеринен пайдаланыўды кеңейтиў бойынша жумыслар даўам еттирилмекте.
Ташкентте Өзбекстан Республикасы энергетика министри Жўрабек Мирзамаҳмудовтың Түркменстан энергетика министри Аннагелди Сапаров ҳәм "Туркменгаз" мәмлекетлик нефть-газ компаниясының баслығы Мақсад Бабаев пенен ушырасыўы болып өтти.
Ташкент ўәлаятының Бостанлық районында қуўатлылығы 20 мегаватт болған "Чарвақ самал электр станциясы қурылысы" жойбары басланды. Станцияны 2026-жылы пайдаланыўға тапсырыў режелестирилген.
Өзбекстан Республикасы Энергетика министрлигинде Қытайдың «China Datang» компаниясы партия комитетиниң хаткери ҳәм директорлар кеңесиниң баслығы Люй Цзюн басшылығындағы делегация менен ушырасыў болып өтти.
2025-жыл 2-ноябрьден 6-ноябрьге шекем Абу-Даби (Бирлескен Араб Әмирликлери) қаласында жасалма интеллект ҳәм энергетика бойынша «ENACT Majlis» ҳәм «ADIPEC 2025» халықаралық форумлары болып өтпекте.
