Илажда Армения, Беларусь, Қазақстан, Қырғызстан, Россия, Тәжикстан, Өзбекстан, сондай-ақ, ҒМДАға ағза мәмлекетлердиң Антитеррор орайы ҳәм Дослық Аўқамы Атқарыў комитетиниң ўәкиллери қатнасты.

Мәжилис даўамында Комиссия ағзалары мәмлекетлер аймағында нызамсыз миграцияға қарсы гүресиў бойынша әмелге асырылып атырған илажлар; миграция ағымлары үстинен қадағалаўды күшейтиў; миллий миграция нызамшылығындағы өзгерислер ҳәм оны бузғаны ушын жуўапкершилик ҳаққындағы мәлимлемелер менен алмасты, деп хабар бермекте ҒМДА Атқарыў комитетиниң баспасөз хызмети.

ҒМДА АПО ўәкили Дослық Аўқамы аймағындағы заманагөй терроршылық қәўип-қәтерлер ҳаққында мағлыўмат берди.

Мәжилистиң тийкарғы қарарлары ҳәм усыныслары:

миграция уйымларының рәсмий сайтларында сырт ел пуқаралары ушын кириў ҳәм болыў қағыйдалары көрсетилген еслетпелерди жайластырыў әмелиятын даўам еттирсин;

нызамсыз миграцияға қарсы гүресиўде заманагөй мәлимлеме технологияларынан пайдаланыў бойынша тәжирийбе алмасыў;

шет ел пуқаралары ҳәм пуқаралығы болмаған шахсларды есапқа алыў ҳәм дизимге алыўға итибар бериў;

ҒМДА мәмлекетлери менен реадмиссия бойынша алдын тастыйықланған Методикалық усыныслардан пайдаланыў;

сырт ел пуқараларын нызамсыз легалластырыў ҳәм натурализациялаў механизмлерин, сондай-ақ, оларға қарсы илажларды додалаў;

ўәкилликли уйымлардың хызметкерлерин таярлаў, қайта таярлаў ҳәм маманлығын арттырыўды жетилистириў;

Мәмлекетлер аралық мәлимлеме банкиниң жумысын жеделлестириў.

Сондай-ақ, мәжилис қатнасыўшылары Самарқанд ўәлаяты ИИБ ситуациялық орайында болып, нызамсыз миграцияға қарсы гүресиў ҳәм туризм объектлериниң қәўипсизлигин тәмийинлеў бағдарындағы жумыслардың әмелий тәреплери менен танысты.

Қоспа комиссияның гезектеги мәжилиси 2026-жылдың екинши ярымында Қазақстанда өткерилиўи режелестирилген.